Мыекъуапэ иполицие икъулыкъушIэхэм цIыф­хэр зыхэкIодэгъэ гъогу хъугъэ-шIагъэр къэзы­бгынэгъэ водителэу ­илъэс 33-рэ зыныбжьыр къаубытыгъ. Мы къэбарыр къытыгъ АР-м хэ­гъэгу кIоцI IофхэмкIэ и Министерствэ ипресс-къулыкъу.

Шъугу къэдгъэкIыжьын, къутырэу Хьакъунае иавтомобиль гъогу зэхэкIыпIэхэм ащыщ авто­мобилитIу щызэутэкIыгъ. Мы хъугъэ-шIэгъэ тхьамыкIагъом ыпкъ къикIэу илъэс 21-рэ зыныбжь водителымрэ ащ къы­дисыгъэ илъэс 22-рэ зыныбжь бзылъфыгъэ ныбжьыкIэмрэ хэ­кIодагъэх, илъэс 17 зыныбжь пшъэшъэжъыем шъобжхэр тещагъэхэу сымэджэщым чIэлъ.
— Инспекторхэр мы чIыпIэм къызэсхэм ятIонэрэ машинэм исыгъэ водителыр агъотыгъэп, сыда пIомэ аварие ужым ащ псынкIэу зигъэбылъыжьыгъ, — къеты къулыкъум.
Полицейскэхэм оперативнэ-­лъыхъун Iофтхьабзэу зэрахьагъэхэм яшIуагъэкIэ сыхьат заулэ тешIагъэу кIэзыIэжьыгъэ водителыр Мыекъуапэ къыщаубы­тыгъ, ащ илъэс 33-рэ ыныбжь.
Урысыем хэгъэгу кIоцI Iоф­хэмкIэ и Министерствэ иследственнэ отдел мы хъугъэ-шIагъэмкIэ уголовнэ Iоф къызэ­Iуихыгъ. Мы мафэм ехъулIэу аварием лъапсэ фэхъугъэр агъэунэфы, джащ фэдэу следствиер лъагъэкIуатэ.