Чэчэн Республикэм иапэрэ Президентэу, Урысыем и ЛIы­хъужъэу А. А. Кадыровым ишIэжь фэгъэхьыгъэ атлетикэ онтэгъумкIэ зэнэкъо­къухэр къалэу Гроз­нэм щыкIуагъэх.

Адыгэ Республикэм илIыкIохэм гъэхъэгъэшIухэр ашIыгъэх, хагъэу­нэфыкIырэ чIыпIитIу къыдахыгъ.
НэбгыритIумэ тыжьын медальхэр къахьыгъэх. СпортымкIэ мастерэу, къуаджэу Кощхьаблэ щыщ Бзэсэжъ Аслъан килограмм 67-м нэс къэзыщэчыхэрэм якуп зыщиушэтыгъ ыкIи ятIонэрэ чIыпIэр къыдихыгъ. Республикэ спорт еджапIэу М.Н. Чыржьыным ыцIэ зыхьырэм ащ зыщегъасэ. ТекIоныгъэр къыдэзыхыгъэр Шъачэ щыпсэурэ Альберт Шарковыр ары, ящэнэрэ хъугъэ Чэчэн Рес­публикэм илIыкIоу Магомед Мусостовыр.
Джащ фэдэу килограмм 96-м нэс къэзыщэчыхэрэм якуп хэтыгъэ Дмитрий Шмариным тыжьын медаль къыфагъэшъошагъ. Ащ Адыгеир ыкIи Краснодар краир къыгъэлъэгъуагъэх. Дышъэ ме-
даль къэзыхьыгъэр Владикавказ щыщ Георгий Марзоевыр ары. Санкт-Петербург испорт­сменэу Вячеслав Тадеевым ящэ­нэрэ чIыпIэр къыдихыгъ.
ТикIалэхэр зыгъасэхэрэр спортымкIэ дунэе класс зиIэ мастерхэу Сихъухэу Аслъанрэ Рэ­мэзанрэ.