Дунэе къэгъэлъэгъон-форумэу «Урысыер» 2023-рэ илъэсым шэкIогъум и 4-м къыще­гъэжьагъэу 2024-рэ илъэсым бэдзэогъум и 8-м нэс Москва щыкIуагъ. ЭкономикэмкIэ, наукэмкIэ, культурэмкIэ ыкIи нэмыкI лъэныкъохэмкIэ Урысые Федерацием гъэ­хъагъэу иIэхэр форумым нэрылъэгъу къыщыхъугъэх.

Нэбгырэ миллион 18,5-м ехъумэ ­къэгъэлъэгъоныр зэрагъэлъэгъугъ. Хьа­кIэхэм амал яIагъ культурэм, гъэсэныгъэм япхыгъэ Iофтхьабзэхэм ахэлэжьэнхэу, хэгъэгум ишъолъыр 89-мэ яэкспози­циехэм нэIуасэ зафашIынэу.
Президентэу Владимир Путиным къы­зэриIуагъэмкIэ, дунэе къэгъэлъэгъон-­форумэу «Урысыем» икIэн къэухъу­мэ­гъэным пае Лъэпкъ гупчэр зэхащэщт. Ащ икъутамэхэр хэгъэгум ишъолъыр пстэуми къащызэIуахыщтых. Пшъэрылъ шъхьаIэу Гупчэм иIэр Урысыем гъэхъа­гъэу ышIыгъэхэр цIыфхэм зэлъягъэ­шIэгъэныр ары.
Лъэпкъ гупчэу «Урысыер» анахьэу зыпылъыщтыр шIэныгъэмкIэ, культу­рэмкIэ, промышленностымкIэ тихэгъэгу гъэхъагъэу иIэхэм цIыфхэр нэIуасэ афэ­шIыгъэнхэр ары. Урысыем исхэми, ихьакIэхэми амал яIэщт тихэгъэгу хэ­хъоныгъэ ышIын зэрилъэкIыщт лъэныкъуабэмэ, ащ игъэхъагъэхэм защагъэгъозэнэу. Джащ фэдэу Гупчэм къэгъэлъэгъонхэр, хэгъэгум итарихърэ икультурэрэ нахь зэлъязыгъэшIэщт Iофтхьабзэхэр зэхищэщтых.