Лъэпкъ проектэу «Щынэгъончъэ ыкIи шэпхъэшIухэм адиштэрэ гъогухэр» зыфиIорэм къыдыхэлъытагъэу мы илъэсым джыри автобус 30 Мыекъуапэ игъогухэм атыратIупщыхьащт.

НахьыпэкIэ СИМАЗ ав­тобус 20-у къащэфи тырагъэхьагъэм ар зыха­хъокIэ, 50-кIэ автопаркыр гъэкIэжьыгъэ хъущт.
— Автобусхэм къэз­гъэучъыIэтэрэ псэуалъэ­хэр, видеокамерэхэр арытых, гъогупкIэр Iэрылъ-
хьэу щымытэу, банкым икарточкэкIэ птын амал къэзытырэ, къэуцупIэу укъызнэсыгъэм ущызы­гъэгъозэрэ, нэмыкI къэбархэр къэзытырэ обо­рудованиехэмкIэ зэтегъэ­псыхьагъэх. Сэкъатныгъэ зиIэу зекIоныр къызфэ­къинхэр итIысхьанхэ алъэ­кIынэуи ахэр щытых. А зэпстэумэ анэмыкIэу, ягъогу зэрэтетхэм Ян­дексым иприложениекIэ уалъыплъэн плъэкIынэу гъэпсыгъэх, — къыща­Iуагъ АР-м псэолъэшIынымкIэ, транспортымкIэ, псэупIэ-коммунальнэ ыкIи гъогу хъызмэтымкIэ и Министерствэ.
Автобусхэм якъэщэфын пстэумкIи сомэ миллион 336-рэ пэIухьащт. Автопаркым игъэкIэжьын 2025-рэ илъэсми лъа­гъэкIотэщт.