Пыдзэфэ пытэхэм ядэщын, цIыфхэм къырахырэ хэ­кIыр зэрахьылIэрэ площадкэхэм язытет, псэупIэхэм язэ­тегъэпсыхьан епхыгъ АР-м и Къэралыгъо Совет — Хасэм идепутатхэр кIэщакIо зыфэхъугъэхэ джэпсалъэу я 38-рэ зэхэсыгъом щаштагъэр.

УФ-м и Президент Федеральнэ ЗэIукIэм илъэс къэс фигъэхьыгъэ Джэ­псалъэм къыщишIыгъэ пшъэрылъхэм ащыщ хэ­кIым идэщын псэупIэхэм ащызэхэщэгъэныр. Къэ­ралыгъом ипащэ иунашъо агъэцакIэзэ, IофшIэнхэр а лъэныкъомкIэ субъектхэм ащырагъэжьагъэх. Гущы­Iэм пае, Адыгеим щы­зэшIохыгъэ хъугъэр ма­кIэп, ау джыри цIыфхэм гумэкIыгъохэр яIэх.
— Депутатхэм цIыфхэр зыщырагъэблэгъагъэхэм, фэтэрыбэу зэхэт унэхэм ачIэсхэм зэIукIэгъоу адыряIагъэхэм Iофыгъоу къащаIэтыгъэхэм такъыпкъырыкIызэ мы джэпсалъэр дгъэхьазырыгъ. Пыдзэфэ пытэу къырахырэр игъом зэрэIуамыщырэм, площадкэу ахэр зэрахьылIэхэрэр зэрамыгъэкъабзэхэрэм, ащ ыпкъ къикIыкIэ чIыпIэ­хэр хэкIым зэрэзэлъикIу­хэрэм ыгъэтхьаусыхэу зы­къытфэзыгъэзагъэр бэ, — къыщитхыгъ АР-м и Къэралыгъо Совет — Ха­сэм и Тхьаматэу Владимир Нарожнэм иинтернет нэкIубгъохэм ащыщ.
Депутатхэр нэужым Iо­фым зытегущыIэхэм, чIыпIэхэм язэтегъэпсыхьанкIэ шапхъэхэр зыукъохэ­рэм пшъэдэкIыжь ягъэ­хьыгъэным ылъэныкъокIэ къэралыгъо хэбзэ гъэцэ­кIэкIо къулыкъухэм пшъэ­рылъэу яIэхэр зэрэмы­гъэунэфыгъэхэр зэда­штагъ. Ащ фэшI УФ-м псэолъэшIынымкIэ ыкIи псэупIэ-коммунальнэ хъыз­мэтымкIэ иминистрэу Ирек Файзуллиным фэгъэзэгъэ джэпсалъэр агъэхьазырыгъ. Муниципальнэ образованиехэм язэтегъэпсыхьанкIэ хэу­къоныгъэ зышIыхэрэм ад­министративнэ пшъэ­дэкIыжьэу ахьыщтыр гъэ­нэфэгъэныр, ащ фэгъэхьыгъэ зэхъокIыныгъэхэр УФ-м и Кодекс фэшIыгъэн­хэр игъоу ахэм алъытэ.
— Адыгеим идепутатхэр кIэщакIо зыфэхъугъэ­хэм федеральнэ хэбзэ къулыкъухэм къыдыра-
гъа­штэмэ, шапхъэхэр зымыгъэцакIэхэрэм пшъэдэ­кIыжь арагъэхьынэу муниципалитетхэм амал яIэ хъущт, — къыкIигъэт­хъыгъ шъолъыр Парламентым ипащэ.
ХЪУТ Нэфсэт.