Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ иIофышIэхэм зэрагъэунэфыгъэмкIэ, Джэджэ районымкIэ къутырэу Прогрессым дэт гурыт еджапIэу N 5-м ипащэ 2016-рэ илъэсым къыщегъэжьагъэу 2022-рэ илъэсым нэс бюджет мылъкур ышъхьэ IофкIэ къызфигъэфедагъ.

Мы гурыт еджапIэм иIофышIэ горэм илэжьапкIэ хэбзэнчъэу фишIыщтыгъэ ахъщэ тедзэр ащ иджыбэ рилъхьэщтыгъ.
Гурыт еджапIэм ипащэ IофшIэгъу уахътэр учет зыщашIырэ табелым ритхэщтыгъэ къэбар нэпцIхэм атетэу еджапIэм иIофышIэхэм ащыщ горэм темыфэрэ лэжьапкIэу къыфакIощтыгъэр пащэм ритыжьыщтыгъ.
ЩынэгъончъэнымкIэ Федеральнэ къулыкъум Адыгэ РеспубликэмкIэ и ГъэIорышIапIэ иIофышIэхэм оперативнэ-лъыхъун Iофтхьабзэу зэрахьагъэхэм апкъ къикIыкIэ Урысыем и Следственнэ комитет Адыгэ РеспубликэмкIэ иследственнэ гъэIорышIапIэ Урысыем и Уголовнэ кодекс ия 159-рэ статья ия 3-рэ Iахь, ия 292-рэ статья ия 2-рэ Iахь адиштэу гурыт еджапIэу N 5-м ипащэ уголовнэ IофитIу къыфызэIуихыгъ. Бзылъфыгъэм илъэси 6-м нэсэу хьапс тыралъхьан алъэкIыщт.