Хьыкум приставхэм къаты

Адыгэ Республикэм и Теуцожь район щыпсэурэ бзылъфыгъэм гъогурыкIоным ишап­хъэхэр зэриукъуагъэхэм къыхэкIэу тазыр 50 фэдиз къытыралъхьагъэу щытыгъ. Хьыкум приставым унашъоу ышIыгъэм ыуж чIыфэр зэкIэ ащ къыпщыныжьыгъ.
Хьыкум приставыр бзылъфыгъэр зыщыпсэурэ унэм щыIагъ, тазырхэр игъом къызимыпщынхэкIэ ащ къыкIэлъыкIон ылъэкIыщтыр, иавтотранспорт ащэнышъ, ащ къыкIэкIогъэ ахъщэр чIыфэм пэIуагъэхьажьын зэралъэкIыщтыр гуригъэIуагъ. Мы зэдэгущыIэгъум ишIуа­гъэ къэкIуагъ, а мэфэ дэдэм бзылъфыгъэм чIыфэр къызэкIигъэкIожьыгъ.
Хьыкум приставхэм яфедеральнэ къулыкъу АдыгеимкIэ и ГъэIорышIапIэ цIыфхэм агу къегъэкIыжьы чIыфэ ателъмэ игъом ауплъэкIун зэрэфаер. Ащ фэгъэхьыгъэ игъэкIотыгъэ къэ­бар арыжъугъотэщт къулыкъум иофициальнэ сайтэу «https//r01.fssp. gov.ru/» ыкIи къэралыгъо фэIо-фашIэхэм языкI порталэу «https://www.gosuslugi.ru/» зыфиIохэрэм.
Хьыкум приставхэм яфедеральнэ къулыкъу АдыгеимкIэ и ГъэIорышIапIэ ипресс-къулыкъу.