Адыгэ Республикэм исамбистхэм зэнэкъокъу инитIум медалиплI къащахьыгъ.

Республикэу Къырым икъалэу Керчь щызэхащэгъэ Урысые турнирым илъэс 11 — 12 ыкIи 13 — 15 зыныбжьыхэр хэлэжьагъэх. ТекIоныгъэр къыдэзыхы­гъэхэм ащыщ Теуцожь районым испортсменэу ЦIыкIу Аскэр (тренерыр А. Хьабэхъу), ар килограмм 71-м нэс къэзыщэчыхэрэм якуп щыбэнагъ. Джащ фэдэу Къэрэбэш Заурбыйрэ (зыгъасэрэр Р. Джарымэкъу) Руслан Бальченкэмрэ (тренерыр Е. Демченкэр) тыжьын медальхэр къахьыгъэх.
Мы охътэ дэдэм самбэмкIэ турнир къалэу Ермэлхьаблэ щыкIуагъ. Ащ нэбгыри 100-м ехъу хэлэжьагъ.
Олимпийскэ резервым испорт еджапIэ зыщызыгъэсэрэ Хьакъуй Анзор (тренерхэр А. Делэкъу, А. Гъомлэшк) апэрэ чIыпIэр къы­дихыгъ. Командэхэм язэнэкъокъу Адыгеим ящэнэрэ чIыпIэр щиубытыгъ.
Турнирым изэфэхьысыжьхэмкIэ Лъэпкъ гвардием идзэхэм ячем­пи­о­натэу Балашихэ щыкIощтым Къы-
блэ шъолъырыр къыщызыгъэлъэгъощт спортсменхэр агъэнэфагъэх.