ФутболымкIэ Адыгеим и ЛIышъхьэ ишIухьафтын зэрылъ зэнэкъокъур аухынкIэ командэхэм туритIу ныIэп къафэнагъэр. «Кавказ Адэмыер» чемпион хъуным пэблагъ.

БлэкIыгъэ зыгъэпсэфыгъо мафэхэм Красногвардейскэ районым икомандэ «Кощхьаблэм» дешIагъ ыкIи 4:0-у текIоныгъэр къыдихыгъ. Къэнэгъэ ешIэгъуитIум зы очко къыхьымэ, апэрэ чIыпIэр къыдихыщт. Ау зыдешIэщт командэхэри лъэшых – «АГУ» ыкIи «Чэчэнай». Я 8-рэ турым Адыгэ къэралыгъо университетым илIыкIохэр Теуцожь районым ифутболистхэм анахь лъэшыгъэх, язэIукIэгъу 5:1-у аухыгъ. «Урожаир» «Мыекъуапэ» дешIагъ ыкIи 3:2-у къышIуихьыгъ. Командэу «Кавказ Адэмыем» хэт Артем Мельник анахьыбэрэ (гъогогъу 16) къэлапчъэм Iэгуаор дидзагъ.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Кавказ Адэмый» — 24.
2. «АГУ» — 18.
3. «Чэчэнай» — 14.
4. «Урожай» — 7.
5. «Кощхьабл» — 6.
6. «Мыекъуапэ» — 0.