Бжыхьэм иапэрэ мазэу Iоны­гъор ахэмкIэ бай. Тикъэлэ шъхьа­Iэу Мыекъуапэ и мафэ, ­дэхагъэм идунэе мафэ, адыгэ шъуа­шэм и Мафэ, тиадыгэ тхакIо­хэу Еутых Аскэр, ХьэдэгъэлIэ Аскэр, Шэуджэн Аюбэ къызы­хъугъэхэр хагъунэфыкIых.

Ары. ЗэраIоу, «шъуашэм уахещэ, акъылым уакъыхещыжьы».
Тиадыгэ лъэпкъ шъуашэ идэхагъэ, илъэпIагъэ зэралъэкIэу, тишэн-хэбзэшIухэр зэрэхъарзынэхэр тикIэсэ уса­кIохэу Жэнэ Къырымызэ — «Хэбзэ дахэу тэ тиIэр джащ фэд», МэщбэшIэ Исхьакъ иусэу «Адыгэ цый» зэрэ Кавказэу шъуашэ зэрэфэхъугъэр тэгъэлъа­пIэ ыкIи тарэгушхо.
Адыгэ цый
Адыгэ цыеу цые къопэфыр,
Осы нэгуфым фэдэу уфыжь,
Джыгыты кIалэу кIэлэкIэ чэфыр
Гушхоу рызепщэу ылъы ущыщ.
Типшъэшъэ гуахьмэ
нэфылъэ шэплъым
УтфыхабзыкIышъ пшысэу утфады.
Хьазыр пшIыкIутIоу
бгъэгупэм хэлъым
Тхыдэбэ Iаджи тарихъым щаты.
Типшысэ Iушмэ янэфи пхэтэу,
ПсынкIагъэу пхэлъри —
ягухэлъ гугъ.
Узыфадыгъэр сэрыми, хэтми,
Зэрэ Кавказэу дахэу уекIугъ.