ФутболымкIэ Адыгэ Республикэм и Къэралыгъо Совет – Хасэм ишIухьафтын зэрылъ зэнэкъокъум ифинал ихьагъэхэр къэнэфагъэх.

Адыгэкъалэ щыкIогъэ зэIукIэгъум ятIонэрэ финалистыр къыщынэфэнэу щытыгъ. Мы мафэм зэдешIагъэх чIыпIэ командэу «Асбир» зыфиIорэмрэ Тульскэр къэзыгъэлъэгъорэ «Урожаимрэ». ЗэIукIэгъум ипэублэ хьакIэхэм пчъагъэр къызэIуахыгъ, пенальтикIэ къэлапчъэм Iэгуаор дэзыдзагъэр Даниил Кустыриныр ары. Я 9-рэ такъикъым «Урожаим» щешIэрэ Александр Филлиповым пчъагъэм хегъахъо – 2:0. Я 21-рэ такъикъым бысымхэм къэлапчъэм Iэгуаор да­дз­агъ, пчъагъэр 2:1 хъугъэ, я 31-рэ такъикъым Илья Наумовым пчъагъэр зэфэдиз ышIыгъ.

ЯтIонэрэ таймым бысымхэр цыхьэшIэгъоу ешIагъэх. Эдуард Геращенкэмрэ Нэхэе Бис­лъанрэ гъогогъу зырызэ къэлапчъэм Iэгуаор дадзагъ, пчъагъэр 4:2-у «Асбир» текIоныгъэр къыдихыгъ.
Республикэм и Мафэ ехъулIэу зэхащэщт финалым щызэIукIэщтых «Кавказымрэ» «Асбиррэ», ар Мыекъуапэ щыкIощт.