Адыгэ Республикэм щыпсэухэу лъытэныгъэ зыфэтшIыхэрэр!
ТичIыпIэгъу лъапIэхэр!

Урысые Федерацием и Къэралыгъо быракъ и Мафэ фэшI тышъуфэгушIо!
Фыжь-шхъонтIэ-плъыжь шъолъырхэр зэрыкIорэ быракъыр, Урысыем и Тамыгъэрэ и Гимнрэ ягъусэу, тихэгъэгу итарихъышхо, икультурэ, цIыф лъэпкъ зэфэшъхьафыбэу ащ щыпсэухэрэм язэдегъэштэныгъэ, урысые къэралыгъом изыкIыныгъэ ятамыгъэу щыт.
1991-рэ илъэсым къыщыублагъэу шъолъырищ зэрыкIорэ быракъым тычIэтэу зэхъокIыныгъэ инхэм ягъогу зэпытчыгъ, экономикэ ыкIи социальнэ лъэныкъохэмкIэ, культурнэ щыIакIэмкIэ, къэралыгъом игъэпытэнкIэ, Урысыем ыкIуачIэ нахь хэхъонымкIэ бэ зэшIотхын тлъэкIыгъэр.
Лъэпкъ зэфэшъхьафхэм зы унэгъо зэгурыIожьэу тызэгъусэу, тикъэралыгъо быракъ тычIэтэу, Президентэу Владимир Путиным хэгъэгум ихэхъоныгъэкIэ ­лъэпкъ гухэлъэу къыгъэнэфагъэхэм япхырыщын тыдэлажьэ, къэралыгъом ифедэхэр къэтэухъумэх, Урысыем ищытхъу нахь зетэгъэIэты.
Тихэгъэгу шIулъэгъоу фытиIэр, ащ итарихърэ икультурэрэ уасэу афэтшIырэр лъэпсэ пытэу тикъэралыгъокIэ зэрэщытыщтхэм, тызэрыс Хэгъэгушхоу Урысые Федерацием тыфэшъыпкъэу, ти Къэралыгъо быракъ шъхьафитэу быбатэу текIоныгъакIэхэм тыкъызэрафищэщтым тицыхьэ телъ.
ТичIыпIэгъу лъапIэхэр, зэкIэми ты­шъуфэлъаIо псауныгъэ пытэрэ насыпрэ шъуиIэнэу, Урысыем ифедэ зыхэлъ ублэпIэ пстэуми гъэхъэгъакIэхэр ащы­шъушIынхэу!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет - Хасэм и Тхьаматэу Владимир Нарожнэр