Кавказ биосфернэ заповедникым мышъэ пчъагъэу хэсыр агъэунэфыгъ, шъхьэ 205-рэ къалъы­тагъ. Зэфэхьысыжьхэм ­къызэрагъэлъэгъуагъэмкIэ, а пчъагъэр 2020-рэ илъэсым агъэунэфыгъагъэм фэдиз.

КIэлъытыкIыжьыныр мэкъуогъум кIуагъэ. Ащ хэлэжьагъэхэм къахьыгъэ къэбархэр заповедникым ишIэныгъэ Iофы­шIэхэм джырэ нэс зэфахьысыжьыгъ. ЛъытэкIо куп пэпчъ зыфэгъэзэгъэгъэ чIыналъэмкIэ къытыгъэ къэбарым ахэр ры­гъозагъэх. Ачыпстэ, Пшъэкъищ, Лэбэ цIыкIу — мыхэм ыкIи ащ нэмыкIэу чIыпIэ заулэхэм ахэр ащылэжьагъэх. Ахэм ащыщэу ТIыбгырэ ЧIыгушъхьэрэ мы илъэсым мышъэ пчъагъу ащагъэунэфыгъэр нахь макI. Шъхьэ 68-рэ язакъоу апэ къифагъ. Мыгъэ къэхъугъэ щырхэр ягъу­сэхэу мышъэ 13 къыхагъэ­щыгъ.
Пстэумкlи кlэлъытыкlыжьыным икъэгъэлъэгъонхэм заповедникым ишIэныгъэлэжьхэр арыразэх. Нахьыбэ мыхъугъэ­хэмэ, къащыкIагъэп.