ФутболымкIэ Адыгэ Республикэм ипервенствэ ныбжьыкIэ команди 8 хэлажьэ.

БлэкIыгъэ зыгъэпсэфыгъо мафэхэм я 9-рэ турым къыдыхэ­лъытэгъэ ешIэгъуитIу щыIагъ. Зэнэкъокъум пэрытныгъэр щызыIыгъ «Кощхьаблэр» «Чэчэнаим» нахь лъэшыгъ, пчъагъэр – 3:0. Шэуджэн Ислъам гъогогъуищэ къэлапчъэм Iэгуаор дидзагъ. Тэхъутэмыкъое районым икомандэ поселкэу Тульскэр къэзыгъэлъэгъорэ «Урожаим» дешIагъ ыкIи 4:0-у текIоныгъэр къыдихыгъ. Мы зэIукIэгъуми зы футболистым къэлапчъэм Iэгоуищ дидзагъ, ар Алексей Курдюковыр ары.
«Кощхьаблэр» зэкIэми апэ ит, ащ текIоныгъи 8 къыдихыгъ, зы зэIукIэгъур зэфэдизэу ыухыгъ. ЯтIонэрэ чIыпIэр «Мыекъуапэ» ыIыгъ. Тэхъутэмыкъое районыр ящэнэрэ ыкIи мы командэм анахьыбэрэ, гъогогъу 36-рэ, къэ­лапчъэм Iэгуаор дидзагъ.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Кощхьабл» - 25.
2. «Мыекъуапэ» - 21.
3. «Тэхъутэмыкъое район» - 21.
4. «Кавказ» - 16.
5. «Урожай» - 7.
6. «Чэчэнай» - 7.
7. «Джаджэ» - 1.
8. «Адыгэкъал» - 1.
   Я 10-рэ турым къыдыхэлъы­тэгъэ ешIэгъоу щыIэщтхэр: «Джаджэ» - «Адыгэкъал» (шышъхьэIум и 24-м), «Кавказ» - «Кощхьабл» ыкIи «Чэчэнай» - «Мыекъуапэ» (шышъхьэIум и 25-м).