ФутболымкIэ Уры­сыем изэнэкъокъу иятIонэрэ лигэ щешIэрэ «Зэкъошныгъэм» зичэзыу ешIэгъу Мыекъуапэ щыри­Iагъ. Республикэм икъэлэ шъхьаIэ ихьэ­кIагъ командэу «Ди­намо Ставрополь».

«Зэкъошныгъ» — «Динамо Ставрополь» — 3:3 (1:0).
«Зэкъошныгъэм» щешIагъэх: Т. Хачировыр, И. Оразаевыр, У. Магомедбековыр, И. Абдулла­евыр (М. Коломийцевыр), М. Ягьяевыр, К. Юшко, Ш. Гайдаровыр (Д. Савиных), Н. Сергеевыр (А. Малкандуевыр), З. Коблыр, Д. Антоненкэр (А. Зе­зэрахьэр), А. Делэкъор.
«Динамо Ставрополь» хэтыгъэх: М. Матюша, Б. Алибековыр, Д. Кокоевыр, А. Ярцевыр, Т. ХъуакIор, З. Макоевыр, И. Бе­ришвили, Р. Боховыр, Н. Болговыр, Р. Машезовыр, И. Доховыр, М. Магомедовыр (С. Кочканян), А. Зароченцевыр (Д. Мичуренковыр).
Къэлапчъэм Iэгуаор дэзыдза­гъэхэр:
«Зэкъошныгъэр» — З. Коб­лыр, А. Делэкъор, А. Зезэрахьэр.
«Динамо Ставрополь» — М. Магомедовыр, Д. Мичуренковыр, Д. Кокоевыр.
ЕшIэгъум ипэублэ «Зэкъошныгъэр» нахь щылъэшыгъ. Я 10-рэ такъикъым Кобл Заид къэлап­чъэм пэчыжьэу дэуагъ ыкIи пчъагъэр къызэIуихыгъ. Я 52-рэ такъикъым хьакIэхэм якомандэ хэт Магомед Магомедовым пчъагъэр зэфэдиз ышIыгъ. Я 61-рэ такъикъым тикомандэ икапитанэу Делэкъо Ас­­кэр къэлапчъэм Iэгуаор ди­дзагъ, пчъагъэр 2:1 хъугъэ. Та­къикъ 20 тешIагъэу ставропольцэхэм пчъа­гъэр зэфэдиз ашIын алъэкIыгъ. Я 88-рэ такъикъым бысымхэр ыпэ ишъыгъэх, Зезэ­рэхьэ Артур къэлапчъэм Iэгуаор дидзагъ. ЕшIэгъум иохътэ шъхьаIэ судьям такъикъи 5 хигъэхъуагъ, ар «Динамо Ставрополь» къызфигъэ­федагъ ыкIи пчъагъэм хигъэ­хъуагъ, зэIукIэгъур 3:3-у аухыгъ.
— Мэфэ 20-м ешIэгъуи 6 ти­Iагъ, ащ къыхэкIыкIэ тифутбо­листхэр пшъыгъэх, зэIукIэгъум икIэух къяхьылъэкIыгъ, — къы­Iуагъ зэфэхьысыжьхэр къы­шIызэ «Зэкъошныгъэм» итренер шъхьаIэу Сергей Мирошниченкэм.
Я 21-рэ турым изэфэхьысыжьхэр:
«Спартак-Налщык» — «Биолог-Новокубанск» — 2:1, «Строитель» — «Динамо-2» — 3:0, «Ангушт» — «Кубань Холдинг» — 0:0, «Зэкъош­ныгъ» — «Динамо Ставрополь» — 3:3, «Рубин Ялта» — «Ростов-2» — 2:1, «Нарт» — «Победа» — 1:0, «Легион» — «Севастополь» — 2:3, «Алания-2» — «Астрахань» — 2:3.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Форте» — 40.
2. «Динамо Ставрополь» — 37.
3. «Ростов-2» — 36.
4. «Легион» — 36.
5. «Астрахань» — 36.
6. «Рубин Ялта» — 33.
7. «Севастополь» — 32.
8. «Строитель» — 30.
9. «Ангушт» — 28.
10. «Нарт» — 26.
11. «Спартак-Налщык» — 26.
12. «Биолог-Новокубанск» — 22.
13. «Зэкъошныгъ» — 21.
14. «Кубань Холдинг» — 21.
15. «Победа» — 16.
16. «Алания-2» — 12.
17. «Динамо-2» — 9.
    КъыкIэлъыкIощт зэIукIэгъур «Зэ­къошныгъэм» къалэу Хасавюрт щыриIэщт, шышъхьэIум и 24-м командэу «Победа» зыфиIорэм дешIэщт.