ФутболымкIэ Адыгэ Республикэм и ЛIышъхьэ ишIухьафтын зэрылъ зэнэкъокъум ия 7-рэ тур рекIокIыгъ.

Поселкэу Тульскэм щызэIукIагъэх «Урожай» ыкIи «АГУ» зыфи­Iорэ командэхэр. ХьакIэхэр хэп­шIыкIэу нахь лъэшыгъэх, пчъа­гъэр — 4:1. «Кавказ Адэмыем» зэкIэ­лъыкIоу я 7-рэ текIоныгъэ къыдихыгъ. Красногвардейскэ районым икомандэ «Мыекъуапэ» дешIагъ, пчъагъэр 7:1-у зэIукIэгъур аухыгъ. «Кощхьаблэр» «Чэ­чэнаим» IукIагъ, пчъагъэр — 3:3. ЗэIукIэгъур аухынкIэ тIэкIу дэдэ къэнагъэу кощхьаблэхэм пчъа­гъэр зэфэдиз ашIын алъэкIыгъ. Чемпионатым хэлэжьэрэ командэхэм ешIэгъу щырыщ къафэнагъ. Ау мы къыкIэлъыкIорэ турым чемпионыр къэнэфэн ылъэкIыщт.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Кавказ Адэмый» — 21.
2. «АГУ» — 15.
3. «Чэчэнай» — 14.
4. «Кощхьабл» — 6.
5. «Урожай» — 4.
6. «Мыекъуапэ» — 0.