Адыгеим и Къэралыгъо автоинспекцие икъулыкъушIэхэм еджэпIэ автобусхэр илъэсыкIэ еджэгъум зэрэфэхьа­зырхэр ауплъэкIугъ.

Автобусхэм ятехническэ зытет уасэ фашIыгъ ыкIи кIэлэцIыкIухэр зезыщэрэ во­дительхэм пэшIорыгъэшъ зэдэгущыIэгъухэр адашIы­гъэх. ИлъэсыкIэ еджэгъур къимыхьэзэ еджэпIэ автобусхэм язытет уплъэкIу­гъэныр анахь пшъэрылъ шъхьаIэу Адыгеим и Къэ­ралыгъо автоинспекцие иIэ­хэм ащыщ.
Мыщ фэдэ Iофтхьабзэхэр зэхащэхэзэ полицием иIофышIэхэм анахьэу анаIэ зы­тырагъэтыгъэр щынэгъончъэным ибгырыпххэм, тахографхэм ыкIи ГЛОНАСС системэм Iоф зэрашIэхэрэр уплъэкIугъэныр ары. Джащ фэдэу машIор зэрагъэкIо­сэрэ пкъыгъор, Iэзэгъу уцхэр зыдэлъ къэмланыр автобусхэм арылъхэмэ ауплъэ­кIугъ.
Адыгеим и Къэралыгъо автоинспекцие
ипресс-къулыкъу