ШышъхьэIум и 15-м сыхьатыр 10-рэ такъикъ 25-м станциехэу Инэм-2-мрэ Щынджыерэ азыфагу мэшIоку гъогу зэпырыкIыпIэу иIэм автомобиль псынкIэм иводитель телъади, цIыфхэр зезыщэрэ мэшIокоу «УФА — Адлер» зыфиIоу къэсыгъэм еутэкIыгъ.
— МэшIокум имашинист псынкIэу тормозым теIункIагъ нахь мышIэми, благъэу къызэрэсыгъэм къыхэкIэу къэуцун ылъэкIыгъэп, — къеты Темыр Кавказым имэшIоку гъогухэм я ГъэIорышIапIэ ипресс-къулыкъу.
ПэшIорыгъэшъэу зэрагъэунэфы­гъэмкIэ, мы хъугъэ-шIагъэм зыпари хэкIодагъэп. НэмыкI мэшIокоу зекIо­хэрэми иягъэ якIыгъэп. Сыхьатыр 10-рэ такъикъ 47-м мэшIокур игъогу техьажьыгъ.