УФ-м и Президентэу Владимир Путиныр кIэщакIо зыфэхъугъэ лъэпкъ проектхэм ащыщэу «Щынэгъончъэ ыкIи шэпхъэшIухэм адиштэрэ гъогухэр» зыфиIорэм къыдыхэлъытагъэу Тэхъутэмыкъое районым ит поселкэу Яблоновскэм икIэу Шапсыгъэ псыIыгъыпIэм инэпкъ екIурэ гъогум хьылъэзещэхэм зэращэрэр къэзыщэчыщт псэуалъэр щагъэуцу.

— ХъызмэтшIапIэу ар зыгъэуцурэм IофшIэнхэр зыщызэшIуихыхэрэ уахътэм автомашинэхэр зэрыкIощтхэ гъогур ыгъэпсыгъ. Псэуалъэр зытетыщтыр мы уахътэм агъэхьазыры. ПIалъэ­хэм адиштэу IофшIэнхэр зэ­шIуахых, — къыщаIуагъ гъогурыкIоныр щынэгъончъэнымкIэ АР-м и Гупчэ.
Щэчалэм игъэуцун пстэумкIи сомэ миллион 90-м ехъу пэIухьащт. Мы илъэ­сым ичъэпыогъу мазэ ыкIэм нэс Iоф­шIэнхэр аухынхэу ары зэрагъэнэфагъэр. Мыщ фэдэ псэолъи 4 Адыгеим игъогу­хэм зэратетыр Гупчэм къыщыхагъэщыгъ. Илъэсэу тызхэтым джыри тIу агъэуцунэу гухэлъ яI.