Къэралыгъо фэIо-фашIэхэм япортал зыкI непэ мэхьанэшхо зиIэхэм ащыщ. Уиунэ укъимыкIэу Iофыгъуабэ зэшIоп­хыным иамал ащ къеты.

Ау зыщышъумыгъэгъупш шъусакъын зэрэфаер. Къэралыгъо фэIо-фашIэхэмкIэ шъуиунэе кабинет шхъухьашIэхэр къихьанхэ алъэкIыщт.
Сыдэущтэу ахэр зекIохэра? ТелефонымкIэ афытеохэшъ, МФЦ-м иIофышIэхэу араIо, пись­­мэу къафагъэхьыгъэр аIэкIэхьаным пае СМС-м ит кодыр къараIон фаеу аIо. Ахэм зыфаIохэрэр жъугъэцакIэхэмэ, шъуиунэе кабинет ихьащтых.
Къэбар шъэфэу шъуиIэхэм (шъуимылъку, шъуихахъохэм, банкымкIэ счетхэм) ямыза­къоу, шъо шъуцIэкIэ чIыфэр (кредитыр) агъэ­псын алъэкIыщт.
ШъуимынэIосэ горэ къышъу­фытеоу СИМ-картэр зэблэхъугъэн фаеу е порталым епхыгъэ гумэкIыгъо горэхэр щыIэхэу къызиIокIэ, ащ лъыпытэу зэдэгущыIэныр зэпыжъугъэу. Ахэр шхъухьашIэх.
Зыщышъумыгъэгъупш: фэIо-фашIэхэм ягъэ­цэкIэн фэгъэзэгъэ къулыкъур ащ фэдэ къэбархэм къакIэупчIэщтэп.
Сыд хъугъэкIи, кодыр яшъумыIу, шъуянэ-шъуя­тэхэр е ныбжь зиIэ шъуиIахьылхэр уп­чIэжьэгъу шъушIых.
Шъузщыфаем полицием шъу­фытеу тел. – 02-м, мобильнэмкIэ – 102-м.
АР-м и МВД къэбархэмкIэ ыкIи обще­ственнэ зэпхыныгъэ­хэмкIэ иотдел