Top.Mail.Ru

ЕшIэгъур шIуахьыгъ

Image description

ФутболымкIэ Урысыем изэнэкъокъу иятIонэрэ лигэ щешIэрэ «Зэкъошныгъэм» Мыекъуапэ щыриIэ ешIэгъур шIуахьыгъ. Таганрог икомандэу «Форте» нахь лъэшыгъ.

«Зэкъошныгъ» — «Форте» — 1:2 (1:2).
«Зэкъошныгъэм» щешIагъэх: Т. Хачировыр, С. Новиковыр (Ш. Гайдаровыр), У. Магомедбековыр, И. Абдуллаевыр, И. Оразаевыр, К. Юшко, М. Коломийцевыр (А. Зезэрахьэр), З. Коблыр, Н. Сергеевыр (А. Малкандуевыр), Д. Антоненкэр, А. Делэкъор.
Тренер шъхьаIэр: С. Мирошниченкэр.
«Форте» щешIагъэх: Г. Королевыр, Е. Охрименкэр (С. Косицыныр), И. Муслуевыр, Т. Николаевыр, А. Гречкиныр, А. Амира­лиевыр (Д. Канаевыр), Н. Климовыр, И. Шведюк, М. Колмаковыр (Н. Муромскэр), М. Абакаровыр (А. Мкртычян), Т. Мелекесцевыр.
Тренер шъхьаIэр: Э. Саркисовыр.
Футболыр зыгу рихьырэ нэбгырэ 370-рэ ешIэгъум еплъыгъ. Адыгеим ифутболистхэм зэIукIэгъур дэгъоу рагъэжьагъ, я 6-рэ такъикъым Ислам Оразаевыр метрэ 20 фэдизкIэ пэчыжьэу къэлапчъэм дэуагъ ыкIи дахэу Iэгуаор дидзагъ. Ау бысымхэр бэрэ гушIуагъэхэп, я 12-рэ та­къикъым «Форте» хэт Магомед Абакаровым пчъагъэр зэфэдиз ышIыгъ. ТIэкIу тешIагъэу мы фут­болист дэдэм ятIонэрэ Iэгуаор дидзагъ, пчъагъэр 1:2 хъугъэ. «Зэкъошныгъэм» къэлапчъэм Iэ­гуар дидзэным дэгуIагъ, ащ фэдэ амалхэри иIагъэх, ау пчъагъэр зэблэхъугъэ хъугъэп, хьакIэхэм текIоныгъэр къыдахыгъ.
— Тифутболистхэм яешIакIэ епхыгъэу упчIэ сиIэп, шъхьадж къытефэрэр ыгъэцэкIагъ. Ау къэ­лапчъэм Iэгоо макI дэтыдзагъэр. Арышъ, Iоф зыдэтшIэжьыщт, ыпэкIэ тылъыкIотэщт, — къыIуагъ зэфэхьысыжьхэр къышIызэ «Зэ­къошныгъэм» итренер шъхьаIэу Сергей Мирошниченкэм.
Командэхэр зыдэщыт чIыпIэхэр ыкIи очко
пчъагъэу рагъэкъугъэр:

  1. «Форте» — 40.
  2. «Ростов-2» — 36.
  3. «Легион» — 36.
  4. «Динамо Ставрополь» —36.
  5. «Астрахань» — 33.
  6. «Рубин Ялта» — 30.
  7. «Севастополь» — 29.
  8. «Строитель» — 27.
  9. «Ангушт» — 27.
  10. «Нарт» — 23.
  11. «Спартак-Налщык» — 23.
  12. «Биолог-Новокубанск»— 22.
  13. «Зэкъошныгъ» — 20.
  14. «Кубань Холдинг» — 20.
  15. «Победа» — 16.
  16. «Алания-2» — 12.
  17. «Динамо-2» — 9.
    КъыкIэлъыкIощт зэIукIэгъур «Зэкъошныгъэм» Мыекъуапэ щыриIэщт, командэу «Динамо Ставрополь» шышъхьэIум и 17-м тихьакIэщт. ЕшIэгъур мафэм сыхьатыр 5-м рагъэжьэщт.