Адыгэ Республикэм икIэу IэпыIэгъу Курскэ хэкум атIупщыгъ.

Ар партиеу «Единэ Россиер» яшъхьагъырытэу республикэм щы­псэухэу гупыкI зиIэхэм, социальнэ пшъэдэкIыжь зыфэзыгъэуцужьырэ сатыум илIыкIохэм, волонтер организациехэм къаугъоигъ. ЗэкIэмкIи ар зэ­рэхъурэр тонн 20 — ащ хэхьэх зэшъохэрэ псы къабзэмрэ псы IэшIумрэ, дагъэр, адыгэ къуаер, пынджыр, щыгъынхэр ыкIи нэмыкIыбэу чIыпIэ къин ифэгъэ цIыфхэм къа­фэфедэн ылъэкIыщтхэр. Джащ фэдэу ащагъэхэм ахэлъых Урысые на­роднэ фронтым ыгъэхьазырыгъэ гъэбылъын хъытыу 80-р.
«Адыгеим щыпсэухэрэм ацIэкIэ Курскэ хэкум исхэм джыри зэ ясIо сшIоигъу тызэракъотыр. Украинэ неонацистхэр къазытебанэхэм тхьамыкIагъом зэрар зэрихы­гъэхэм, мамыр цIыфхэу фэхыгъэхэм тичIыгогъу пэпчъ ыгу афэузы. ТапэкIи IэпыIэгъур зэпыд­гъэущтэп. Тызэкъотмэ — тылъэш!» — къыIуагъ КъумпIыл Мурат.