Хэгъэгу зэошхом илъэхъан Мыекъуапэ къаухъумэзэ хэ­кIодэгъэ дзэкIолI нэбгырищэу зикъупшъхьэхэр къагъоты­жьыгъэхэр икIэрыкIэу агъэтIылъыжьыгъэх.

Ащ фэгъэхьыгъэ Iоф­тхьабзэм хэлэжьагъэх АР-м и Къэралыгъо Со-
вет — Хасэм и Тхьаматэ игуадзэу Цэй Эдуард, къэлэ администрацием ипащэу Геннадий Митрофановыр, народнэ депутатхэм я Совет итхьама­тэу Джарымэкъо Азмэт, юнармейцэхэр, лъыхъуа­кIохэр, нэмыкIхэр.
Псыхъоу Шъхьэгуащэ ыкIыбкIэ щыIэ урамэу Кировым ыцIэ зыхьырэр ары ахэр къызщагъоты­гъэхэр. Ащ щыпсэухэрэм дзэкIолIхэм яхьадэхэр чIэ­лъынхэу зэрегуцафэ­хэрэр лъыгъуакIохэм къа­раIуагъ. ДзэкIолIхэм якъу­пшъхьэ­хэр, ащыгъыгъэхэм япычыгъохэр, Iашэу аIыгъыгъэр къагъотыжьыгъэх.
Цэй Эдуард зэо мэ­хъаджэм тидзэкIолIхэм лIыхъужъныгъэу щызэра­хьагъэр джыри зэ къэзыушыхьатыжьырэ хъугъэ-­шIагъэу ар зэрэщытым къыкIигъэтхъыгъ.
— КъакIэхъухьэхэрэм яошъогу мамырыным зы­псэ фэзытыгъэ тидзэ­кIолI­хэм лIыхъужъныгъэу зэрахьагъэр зыщытымыгъэгъупшэныр зэкIэми ти­пшъэрылъ. Ахэм ащыщыбэм ацIэ тымышIэрэми, ялIыблэнагъэ ныбжьи кIо­дыщтэп, — къыхигъэщыгъ депутатым.
ЗыцIэ амышIэрэ лIы­хъужъхэм зы такъикърэ афэшъыгъуагъэх.