Адыгеим и Общественнэ IэпыIэгъу иштабэу Мыекъуа­пэ щыIэм Урысые Iофтхьабзэу «Щынэгъончъэу кIэлэ­цIыкIухэр къесэщэкIых» зыфиIорэр щыкIуагъ.

Ащ хэлэжьагъэх Къэ­ралыгъо автоинспекцием илIыкIохэр, партийнэ проектэу «Унэгъо пыт» зыфи­Iорэм хэлажьэхэрэр, НыбжьыкIэ гвардием хэтхэр ыкIи ахэм янэ-ятэхэр.
Iофтхьабзэм пшъэры­лъэу иIагъэр гъогурыкIоным ишапхъэхэр амыу­къон­хэм, джащ фэдэу кIэ­лэцIыкIухэр щынэгъончъэу машинэмкIэ къыращэкIынхэм фэIорышIэгъэныр ары.
— Гъогухэр щынэгъончъэу щытынхэмкIэ Урысые акцием хахьэу Iофтхьэбзэ заулэ редгъэкIокIы-
нэу дгъэнэфагъ, илъэсым ыкIэм нэс ахэр зэхэтщэщтых, — къыIуагъ Мые­къуапэ инароднэ депутатхэм я Совет хэтэу, Адыгеим и НыбжьыкIэ гвардие ипа­щэу Бэрзэдж Асыет.
КIэлэцIыкIухэр маши­нэмкIэ къыращэкIынхэмкIэ шапхъэу щыIэхэр, автомобилым илъ аптечкэм уцэу дэлъын фаехэр, джащ фэ­дэу зыныбжь имыкъугъэхэр щынэгъончъэу зе­пщэнхэмкIэ сакъыныгъэ къызхэбгъэфэн зэрэфаер къэгущыIагъэхэм къыха­гъэщыгъ.