Почтэм Iоф щызышIэщтыгъэм хэбзэ ахъщэр къызэрэз­IэкIи­гъэхьагъэм фэшI уголовнэ Iоф къыфызэIуахыгъ.

Урысыем и Следственнэ комитет иследственнэ ГъэIорышIапIэу АР-м щы­Iэм Мыекъопэ районымкIэ иследственнэ отдел поселкэу Каменномостскэм дэт почтэм иотделение ипащэу Iоф зышIэщтыгъэм ылъэныкъокIэ уголовнэ Iоф къызэIуихыгъ.
Следствием зэригъэунэфыгъэмкIэ, 2023-рэ илъэсым мэзаем къыщыублагъэу 2024-рэ илъэсым жъо­ныгъуакIэм нэс пащэм почтэм икассэ ахъщэ къыхихызэ ежь зэрэфаем фэдэу къызфигъэфедагъ. А уахътэм зэкIэмкIи сомэ мин 919-м ехъу къызIэ­кIигъэхьагъ. Ащ къыхэкIэу Iахьзэхэлъ обществэу «Урысыем и Почтэ» зэрар рихыгъ.
Урысыем хэгъэгу кIоцI IофхэмкIэ и Министерствэ экономикэ щынэгъончъэнымкIэ ыкIи къолъхьэ тын-­Iыхыным пэшIуекIо­гъэнымкIэ иотделэу Мые­къопэ районым щыIэм ыугъоигъэ материалымкIэ уголовнэ Iофыр къызэIуа­хыгъ.
Мы уахътэм хэбзэу­хъу­макIохэм следственнэ Iоф­шIэнхэр зэрахьэх, ла­жьэ зиIэм нэмыкI бзэджэшIагъэ зэрихьагъэмэ
ауплъэкIу. Уголовнэ Iофым изэхэфын лъагъэкIуатэ.
Урысыем и Следст­веннэ комитет иследст­веннэ ГъэIорышIапIэу АР-м щыIэм Мыекъопэ районымкIэ иследст­веннэ отдел
ипресс-къулыкъу