Муниципальнэ образованием иадминистрацие мылъку зэфыщытыкIэхэмкIэ игъэIорышIапIэ ипащэ игуадзэу Iоф зышIэщтыгъэр хьыкумым ыгъэмысагъ.

Урысыем и Следственнэ комитет иследственнэ ГъэIорышIапIэу АР-м щы­Iэм Мыекъопэ районым-
кIэ иследственнэ отдел муниципальнэ образованиеу «Мыекъопэ районым» мылъку ыкIи хэбзэ зэфыщытыкIэхэмкIэ, архитектурэмкIэ ыкIи къэлэгъэпсынымкIэ игъэIоры­шIапIэ ипащэ игуадзэу Iоф зышIэщтыгъэм ылъэны­къокIэ къызэIуахыгъэ уго­ловнэ Iофыр зэхифыгъ. ИIэнатIэ къызфигъэфеди бзэджэшIагъэ зэрэзэри­хьагъэм фэшI ар агъэмысэ.
Следствием зэригъэунэфыгъэмкIэ, 2022-рэ илъэсым лажьэ зиIэм зэзэгъы­ныгъэ проектыр хэбзэнчъэу ыгъэпси, зэнэкъокъу хэмытэу физическэ цIыф­хэм квадрат метрэ 210-рэ ыкIи 68-рэ хъурэ чIыгу Iахьхэр бэджэндэу ари­тыгъэх. Ащ къыхэкIэу ха­бзэр ыукъуагъ.
Мыекъопэ районым ипро­куратурэ зэхифыгъэ уголовнэ Iофыр хьыкумым фигъэхьыгъ.
Урысыем и Следственнэ комитет иследственнэ ГъэIорышIапIэу АР-м щыIэм ипресс-къулыкъу.