Адыгэ Республикэм ина­хьыжъхэм я Совет хэтхэм лъэшэу гухэкI ащыхъугъ Къэтбамбэт Сахьид Пщымафэ ыкъом шышъхьэIум и 9-м идунай зэрихъожьыгъэр ыкIи ащ иунагъорэ иIахьылхэмрэ афэтхьаусыхэх.
Къэтбамбэт Сахьид Пщымафэ ыкъор Теуцожь районымкIэ къуаджэу Гъобэ­къуае 1940-рэ илъэсым къыщыхъугъ. Гурыт еджапIэр тыжьын медалькIэ, Пшызэ мэкъумэщ институтым имеханическэ отделение дэгъу дэдэу къыухыгъэх. Инженер-механикэу, инженер шъхьаIэу, парткомым исек­ретарэу якъуаджэ щызэхэщэгъэ колхозым ащ Iоф щишIагъ, народнэ депутатхэм ярайон Совет идепутатэу щытыгъ.
Пенсием кIоным ыпэкIэ аужырэ илъэси 7-м Гъобэкъое къоджэ коим ипэщагъ. Сэнаущэу, зиIоф хэшIыкIы­шхо фызиIэ, зимурад къызыдэхъурэ цIыф пытэу ар щытыгъ. Колхозым иэкономикэ зыкъегъэIэтыгъэным, икъоджэ гупсэ изэтегъэпсы­хьан иIахьышхо ахишIы­хьагъ. Орденэу «Знак Почета», медалэу «Урысыем и УIэшыгъэ КIуачIэхэм къулыкъур дэгъоу зэращи­хьыгъэм фэшI» зыцIэр, Адыгэ Республикэм и Къэралыгъо Совет — Хасэм и Тамыгъэу «Закон. Пшъэ­рылъ. ЦIыфыгъ» зыфиIорэр, щытхъу тхылъыбэ ащ къыфагъэшъошагъ. Ишъхьэгъу­сэрэ ежьыррэ сабыищ зэ­дапIугъ.
Къэтбамбэт Сахьид Пщымафэ ыкъор опсэуфэ об­щественнэ IофышIэ чанэу щытыгъ, къуаджэм ина­хьыжъ­хэм пэщэныгъэ адызэрихьагъ. Унагъо пэпчъ зыфыщыкIэрэм щыгъозагъ, амал зэриIэкIэ ахэм Iэпы­Iэгъу афэхъущтыгъ. Иаужырэ гъогу зэрэкъуаджэу ар ыгъэкIотэжьыгъ. НэшIо-­гу­шIоу щытыгъэ, жьы зыкIэтыгъэ тикъоджэгъу ренэу шIукIэ тыгу илъыщт.
ГъукIэлI Нурбый.
Адыгэ Республикэм ина­хьыжъхэм я Совет
итхьамат.