Чъыгхэтэ товариществэхэм унэ е чIыгу Iахь ащызиIэхэм ахэр къэралыгъо кадастрэ учетым зэрэхагъэуцощтхэм е зэрарагъэтхыщтхэм шапхъэу апылъхэм цIыфхэр бэрэ къакIэупчIэх.

— Ахэм ягъэпсын цIыфхэм нахь IэшIэх афэхъуным пае «дач­нэ амнистием» фэгъэхьыгъэ хэбзэ-
гъэуцугъэр Урысыем щатIупщыгъ. ЦIыфхэм яунэхэр е ячIыгу Iахьхэр къин хэмылъэу агъэпсынхэ амал мы системэм къеты. Ар зыщыIэм къыщыублагъэу Адыгеим тхылъ мин
40-м ехъу щагъэпсыгъ. Ащ ипроцент 47-мэ унэ ащэфыгъ, 40-мэ чIыгу Iахь арагъэтхыгъэр, амы-
гъэкощырэ нэмыкI псэуалъэ зыгъэуцугъэхэр процент 13 мэхъух, — къыIуагъ Росреестрэм
АР-мкIэ и ГъэIорышIапIэ ипащэу Марина Никифоровам.
«Дачнэ амнистием» имэхьанэ, амыгъэкощырэ мылъкоу ар зынэсхэрэм ыкIи ахэр зэ­рябгъэтхыщтхэм тыкъытегущы­Iэмэ тшIоигъуагъ.
Сыда «дачнэ ­амнистием» мылъку зиIэм къыфихьырэр?
Ащ фэгъэхьыгъэ хэбзэгъэуцугъэм ишапхъэхэм хэушъхьафыкIыгъэ чIыгу Iахьхэм, унэхэм е чъыгхэтэ псэупIэхэм ягъэпсын нахь къызэрыкIо къашIы. ЦIыфым ащ фэдэ псэуалъэ ышIын е ыгъэкIэжьын гухэлъ зэришIыгъэмкIэ, а IофшIэнхэр зэриухыгъэхэмкIэ макъэ ыгъэIун ищыкIагъэп.
ПIалъэу «дачнэ амнистием» иIэр
Мыщ фэгъэхьыгъэ хэбзэ­гъэуцугъэр 2006-рэ илъэсым иIоныгъо мазэ и 1-м къыщыублагъэу щыI, мызэу, мытIоу пIалъэу къыдэлъытагъэр лъа­гъэкIотагъ. Джыри мары 2031-рэ илъэсым нэс кIуачIэ иIэнэу ашIыгъ.
КъызэрыкIо шIы­кIэм тетэу сыд фэдэ псэуа­лъэхэр ара бгъэ­псын плъэкIыщтыр?
Чъыгхэтэ товариществэм чIыгу Iахьэу щыуиIэм е мэ­къумэщ хъызмэтым пае псэупIэ гъунэм къащатыгъэм атеп­шIыхьэгъэ унэхэр ары ащ тетэу бгъэпсынхэ плъэкIыщтыр. ЕтIани ахэр унэе псэупIэм ишIын пылъ шапхъэхэм адиштэнхэ фае. Метрэ 20 нахьыбэ ялъэгагъэ, къатищ нахьыбэу чIышъхьашъом къытещхэ хъущтэп, щыпсэунхэм ыкIи унэгъо хъызмэт зэрахьаным фытегъэ­псыхьэгъэ унэхэм анэмыкI ахэп­шIыхьан уфитэп.
Сыд фэдэ тхылъа ищыкIагъэхэр?
ЛъэIу тхылъымрэ техническэ планымрэ птыщтхэр, ау кадастрэм епхыгъэ IофшIэнхэр рамыгъажьэзэ ыпэрапшIэу инженерэу Iоф адэзышIэщтым къэбарэу пылъыр, чIыгу Iахьыр о уиунаеу бгъэпсынэу фитыныгъэ къыозытырэ тхылъыр ууплъэ­кIунхэ фае. ЗыгорэкIэ фиты­ныгъэ зэрэуиIэр ЕГРН-м щыгъэ­нэфагъэмэ, ар къэзыу­шыхьатырэ тхылъыр птын ищыкIагъэп.
Фитыныгъэ зэрэуиIэр зэрэ­бгъэпсыщт тхылъхэр сыдэущтэу птынхэ плъэкIыщта?
Ахэр МФЦ-м о пшъхьэкIэ епхьылIэхэмэ хъущт, Росреестрэм иинтернет нэкIубгъо «унэе кабинет» щыуиIэмэ, электроннэ шIыкIэр бгъэфедэн плъэкIыщт.
ЦIыфэу дунаим ехыжьыгъэм ­къыкIэныгъэ мылъкур къызфэнагъэхэм «дачнэ амнис­тиер» агъэ-
федэн алъэкIыщта?
НахьыпэкIэ унэр зиягъэм ар шапхъэхэм атетэу аримыгъэ­тхыгъэмэ, къызфэнагъэхэм къы­зэрыкIо шIыкIэмкIэ агъэпсын алъэкIыщт.
2018-рэ илъэсым ишышъхьэIу мазэ
и 4-м ыпэкIэ унэм ишIын езыгъэжьэгъагъэхэм ар зэра­гъэ­псыщт шапхъэхэр
ЦIыфым унэр ышIынэу гухэлъ зэриIэмкIэ е зэриухыгъэмкIэ макъэ ыгъэIун зэримыщыкIагъэр илъэситф пIалъэкIэ джыри лъагъэкIотагъ. Ащ 2018-рэ илъэсым ишышъхьэIу мазэ и 4-р къэмысызэ езыгъэжьа­гъэхэу, макъэ зымыгъэIугъа­гъэхэри къыхеубытэх.