Адыгеим ипсэ­олъэшI отраслэ щылажьэхэу ыкIи иветеранхэу лъытэныгъэ зыфэтшIыхэрэр!

Шъуисэнэхьат епхыгъэ мэфэкIым — псэолъэшIым и Мафэ фэшI ты­шъуфэгушIо!
ШъуимэфэкI гъэхъэгъэ дэгъухэмкIэ шъупэгъокIы. Шъо шъуишъыпкъэу пшъэрылъхэр зэрэжъугъэцакIэхэрэм яшIуагъэкIэ илъэс къэс псэуалъэу ашIырэр нахьыбэ мэхъу, цIыф псэупIэхэм ятеплъи зызэблехъу, ахэр нахь гупсэфыпIэ, нахь Iэрыфэгъу, нахь дахэ мэхъух.
Шъо гуетыныгъэу шъухэлъым, шъуз­фагъазэрэр дэгъоу зэрэжъугъэцакIэрэм яшIуагъэкIэ цIыфхэр зычIэ­сыщт унэхэр, спорт псэуалъэхэр нахьыбэ мэхъух, культурэм, псауныгъэм икъэухъумэн яучреждениехэу джырэ лъэхъаным диштэхэрэр кIэу агъэпсых, кIэлэцIыкIу IыгъыпIэхэр, еджапIэхэр псэупIэхэм къадэтаджэх, общественнэ ыкIи цIыфхэр зычIэс унэхэм къапэIулъ чIыпIэхэр нахь зэтегъэпсыхьэгъэнхэмкIи Iофышхо зэшIохыгъэ мэхъу.
А зэхъокIыныгъэшIухэм яшIуагъэ къэкIо Адыгэ Республикэм тапэкIи хэхъоныгъэ ышIынымкIэ, экономикэм джыри нахь зыкъыIэтынымкIи лъэпсэшIу мэхъух.
Шъуисэнэхьат епхыгъэ мэфэкIым Адыгеим ипсэолъэшI комплекс щы­лэжьэрэ пстэуми яIоф гуетыныгъэ зэрэфыряIэм, яIэпэIэсэныгъэ зэрэ­иным апае тызэрафэразэр къэтэIо.
Ныбджэгъу лъапIэхэр, зэкIэми тышъуфэлъаIо псауныгъэ, щыIэкIэшIу шъуиIэнэу, Адыгеимрэ ти Хэгъэгу­шхорэ яфедэ зыхэлъ Iофэу жъугъэцакIэрэм тапэкIи гъэхъагъэхэр щы­шъушIынхэу!

Адыгэ Республикэм
и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожнэр