«ТНС энерго Кубань» зыфиIорэ компаниер цIыфхэм яуахътэ фэсакъы, ахэм яфэIо-фашIэхэм анахьыбэр пэIудзыгъэ шIыкIэм тетэу афегъэцакIэ.

Мары мы 2024-рэ илъэсыр къызихьагъэм къыщыублагъэу цIыфым чIыфэ зэрэтемылъыр къэзыушыхьатырэ тхылъыр ащ фэдэ шIыкIэкIэ нэбгырэ 3284-мэ къызIэкIагъэхьан алъэкIыгъ. Ар унэ е нэмыкIэу амыгъэкощырэ мылъкум хэхьэрэ псэуалъэ зыщэрэм е зыщэфырэм, банкым чIыфэ къыIызыхырэм, IэкIыбым кIощтым, псэупIэ-коммунальнэ фэIо-­фашIэхэм ауасэ пай субсидие зыгъэпсырэм, щымыIэжьым къыкIэныгъэр къызфэнагъэу тхылъхэр зыгъэпсыхэрэм ящыкIагъ.
ЧIыфэ зэрэптемылъыр къэзыушыхьатырэ тхылъыр бгъэпсыным пае ыпэрапшIэу «унэе кабинетым» уихьан фае. Ащ «Получить справку» зыфиIорэ нэкIубгъор къы­щызэIупхыщт, нэужым электри­чест­вэу бгъэкIуагъэр зыфэдизыр иптхэщт, чIыфэ птелъмэ, ар пты­жьыщт. А зэпстэумэ ауж тхылъыр хьазыр хъущт.
ШъунаIэ тешъотэгъадзэ, ащ юридическэ кIуачIэ иI, компанием иIофышIэу пшъэдэкIыжь зыхьырэм ыIапэ кIэдзагъ, печать тет, пIалъэу пылъыр зы маз.
Шъугу къэтэгъэкIыжьы, «ТНС энерго Кубань» зыфиIорэм иинтернет нэкIубгъо электроэнергием фэгъэхьыгъэ упчIэ шъуиIэмэ ащ иджэуап къыщышъуатыжьыщт, «лицевой счетым» изытет шъущылъыплъэн шъулъэкIыщт.
«ТНС энерго Кубань» ипресс-къулыкъу.