Адыгэ Республикэм щыпсэухэу
лъытэныгъэ зыфэтшIыхэрэр!

Физкультурникым, цIыф жъугъэхэм зэдыряеу щыт спортым я МафэкIэ тышъуфэгушIо!
Мы мафэр спортсменхэм анэмыкIэу, спортыр зыгукIэ зыпэблэгъэ, ащ епхыгъэ хъугъэ-шIагъэхэм ренэу алъыплъэрэ, спорт инфраструктурэм ихэхъоныгъэ, кIэлэцIыкIухэр ыкIи Iэтахъохэр спортым хэщэгъэнхэм зиIахь ахэзышIыхьэрэ пстэуми зэдагъэ­мэфэкIы.
Адыгеир спортымкIэ гъэхъэгъэшхохэр зышIыгъэ шъолъырхэм ащыщ, тиспортсмен цIэрыIохэм лъапсэ зыфашIыгъэ спорт хэбзэ шIагъохэр тиIэх. Ахэм хэгъэгум имызакъоу, дунаим испорт зэнэкъокъухэми тигупсэ республикэ ищытхъу щарагъэIуагъ, чыжьэкIэ игъэхъагъэхэри алъигъэIэсыгъэх.
Непэ, гъэхъагъэу тиIэхэр къэтыухъумэхэзэ ыкIи ахэм ахэдгъахъозэ, спортым пылъынхэм иамал зэкIэ Адыгеим щыпсэухэрэм яIэным, къыткIэхъухьэхэрэм псауныгъэ пытэ яIэу, хэти ыкIуачIэ къызэрихьэу а лъэныкъомкIэ гъэхъагъэхэр ышIынхэ ылъэкIэу, ти­республики, тихэгъэгуи ящытхъу ыгъэпытэнэу сыфэлъаIо.
Тиспортсменхэм тапэкIи гъэхъэгъэ инхэр, текIоныгъэшхохэр зэрашIыщтхэм тицыхьэ телъ.
Спортым ылъэныкъокIэ Iоф зышIэрэ пстэуми пшъэ­дэкIыжь ин ахьызэ, яIэпэIэсэныгъэ хагъахъозэ, щы­IэкIэ-псэукIэ тэрэзыр обществэм щыгъэпытэгъэным анаIэ зэрэтырагъэтырэм апае тафэраз.
Ныбджэгъу лъапIэхэр, зэкIэми тышъуфэлъаIо псауныгъэ пытэ шъуиIэнэу, спортым гъэхъэгъакIэхэр щышъушIынхэу, шъунасыпышIонэу, гухэлъэу шъуиIэхэр къыжъудэхъунхэу, Адыгеимрэ Урысыемрэ ящытхъу джыри нахь зыкъежъугъэIэтынэу!
Адыгэ Республикэм и ЛIышъхьэу,
Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет -— Хасэм и Тхьаматэу Владимир Нарожнэр