Урысыем вневедомственнэ ухъумэнымкIэ и ГъэIорышIапIэу Адыгэ Республикэм щыIэм и Кощхьэблэ къутамэ ипащэщтыгъэм иIоф Адыгеим щаIуагъ.

Кощхьэблэ къутамэм ипащэщтыгъэм пщыныжь егъэхьыгъэнымкIэ къаугъоигъэ IэубытыпIэхэр ащкIэ лъапсэ хъугъэх. Урысые Федерацием и Уголовнэ кодекс ия 159.2-рэ статья ия 3-рэ Iахь къыдилъытэрэ бзэджэшIагъэр (шхъухьэ) зэрихьагъэу алъытагъ ыкIи уголовнэ Iоф ащ къыпагъэтэджагъ.
Следствиемрэ хьыкумымрэ зэрагъэунэфыгъэмкIэ, Кощхьэблэ къутамэм имылъку хэбзэнчъэу ежь ышъхьэкIэ къызфигъэфедэнэу ар фэягъ. ПIэлъэ гъэнэфагъэкIэ зычIэсыхэрэ унэм тефэрэ ахъщэу къафалъэгъужьырэр ежь къызфигъэнэным пае зыщымыпсэугъэ унэм исыгъэ фэдэу зэзэгъыныгъэ адешIышъ, тхылъхэр ащкIэ егъэхьазырых. Тхылъэу арихьылIагъэхэр зэрэнэпцIыхэр къычIэщыгъ.
Хьыкумым тазырэу сомэ миллиони 120-рэ ащ тырилъхьагъ. Унашъом хэбзэ кIуачIэ иIэ хъугъэ.