Урысые Федерацием и Уголовнэ кодекс ия 205.1-рэ статья иа 1-рэ Iахь къыдилъытэрэ бзэджэшIагъэ (террористхэм адеIэн мурад иIагъ) зэрихьагъэкIэ алъытагъ илъэс 29-рэ зыныбжь Расул Ибрагимовым. АщкIэ хьыкумым ышIыгъэ унашъом кIуачIэ иIэ хъугъэ.

ГъэIорышIапIэм иIофышIэхэм зэрагъэунэфыгъэмкIэ, пщыныжь зыщарагъэхьырэ учреждением щыIэзэ, дунэе террористическэ организациекIэ Урысыем щалъытэрэм ифедэхэм апае хьапсдэс­хэр ахъщэ къаугъоиным фигъэчэфыщтыгъэх.
Лъыхъон-къыхэгъэщын Iофтхьабзэу ГъэIорышIапIэм зэрихьагъэхэм яшIуагъэкIэ Р. М. Ибрагимовым уголовнэ Iоф къыпагъэ­тэджагъ ыкIи Урысыем и Уголовнэ кодекс ия 205.1-рэ статья иа 1-рэ Iахь къызэриIорэм тетэу уголовнэ Iофыр зэхафыгъ.
Къыблэ дзэ кой хьыкумым Урысыем и Уголовнэ кодекс ия 205.1-рэ статья иа 1-рэ Iахь тетэу режим пхъашэ зычIэлъ колонием илъэси 10 щигъэкIонэу ащ тырилъхьагъ.
Хьыкумым иунашъо хэбзэ кIуачIэ иIэ хъугъэ.
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ
и ГъэIорышIапIэ ипресс-къулыкъу