БзэджашIэхэм пшъэдэкIыжь ягъэхьыгъэнымкIэ федеральнэ къулыкъум и ГъэIорышIапIэу Адыгэ Республикэм щыIэм епхыгъэ учреждениехэм 2024-рэ илъэсым иапэрэ мэзихэу пыкIыгъэм къыдагъэкIырэ продукцием лъэпкъитф кIэу хагъэхьагъ.

— Мы илъэсым къыщыублагъэу спорт лъэкъопылъхьэхэр, Iалъмэкъхэр, гъучIым хэшIыкIыгъэ пхъэнтIэкIу цIыкIухэр, телъхьэпIэ зэтетхэр къыдагъэкIых. ЗэкIэмкIи сомэ мин 843,1-рэ зыосэ продукциякIэ къыдагъэкIыгъ, — къеты бзэджашIэхэм пшъэдэкIыжь ягъэхьыгъэнымкIэ федеральнэ къулыкъум и ГъэIорышIапIэу Адыгэ Республикэм щыIэм ипресс-къулыкъу.
— Нэкъокъогъухэр тиIэу продукциякIэхэр къыдэдгъэкIыным ренэу тыфэхьазыр. Ащ къыкIэлъэIухэрэр зэрэфаехэм фэдэу зэрафэтшIыщтым, зэрэдгъэрэзэщтхэм ренэу тыпылъ ыкIи ащкIэ амалыкIэу щыIэхэр тэгъэфедэх, — къы­Iуагъ учреждением ипащэ игуадзэу, участкэу ИК-2-м ипащэу Александр Мартыненкэм.

Джащ фэдэу ыпэкIэ ашIыгъэ зэзэгъыныгъэхэр икъу фэдизэу агъэцакIэх. Мы илъэсым учреждениехэм республикэм игурыт еджэпIитфымэ мебельхэр афа­шIых. Хьазыр хъугъэ продукциехэр еджа­пIэхэм аIэкIагъахьэ.
Сурэтхэр: къулыкъум и ГъэIорышIапI.