Къутырэу Чернышевым гуфэкIо купэу щызэхэхьагъэм «Бзылъфыгъэ IэпэIасэхэр» зэреджагъэхэр. Ахэм Херсон ыкIи Белгородскэ хэкухэм адэт сымэджэщхэм ачIэлъхэм апае шъхьэнтэ лъэпкъ зэфэшъхьафхэр ашIых.

Бэрэ щылъырэ сымаджэхэм акIышъо емытэнымкIэ ыкIи къупшъхьэ зэрытыпIэхэмкIэ ахэр Iэры­фэгъу хъущтых. Сымаджэхэм япсауныгъэ нахь шIэхэу зыпкъ иуцожьынымкIэ ахэми мэхьэнэ гъэнэфагъэ яIэу щыт.

Къутырым щыпсэухэрэм ащыщыбэхэм а къэбарыр зызэхахым чыхIэнхэр, шъхьантэхэр ыкIи нэмыкI пкъыгъохэу сымэджэщхэм къащызфагъэфедэн алъэкIыщтхэр ахэм къафырахьылIэхэу рагъэжьагъ. Бзылъфыгъэ IэпэIасэхэм шъхьэнтэ закъохэр арэп ашIыхэрэр. Хъытыухэм яхъэни ахэр пылъых. Мы мэфэ благъэхэм шIушIэ IэпыIэгъур аIэкIагъэхьащт. Ахэм ахэлъыщтых агъэхьазырыгъэ шъхьантэхэр зэкIэ ыкIи хъытыухэр. Шэуджэн районым иадминистрацие ащ фэгъэхьыгъэу макъэ къыгъэIугъ.
Сурэтхэр: АР-м IфшIэнымрэ социальнэ хэхъоныгъэмрэкIэ и Министерств