УФ-м теннис цIыкIумкIэ ифедерацие ипрограммэу «Урысыем инеущрэ маф» зыфиIорэм къыдыхэлъытагъэу мы спорт лъэпкъымкIэ Адыгэ Республикэм изэIухыгъэ зэнэкъокъу зэхэщэ­гъэным Мыекъуапэ зыщыфа­гъэхьазыры. Iофтхьабзэр шы­шъхьэIум и 20-м щегъэжьагъэу и 25-м нэс кIощт.

ЗэхэщакIохэм зэрагъэнэфагъэмкIэ, зэнэкъокъум хэлэжьэщтхэр аныбжь елъы­тыгъэу купищэу агощыщтых — ­илъэс 12-м, 14-м ыкIи 18-м анэс. Iоф­тхьабзэм Адыгеим, Краснодар ыкIи Ставропольскэ крайхэм, Республикэу Къырым, Донецкэ ыкIи Луганскэ народнэ республикэхэм, Запорожскэ, Белгород­скэ, Ростовскэ ыкIи Херсонскэ хэкухэм ялIыкIохэр хэлэжьэнхэу агъэнафэ.
Адыгэ къэралыгъо университетым иордэунэу Кобл Якъуб ыцIэ зыхьырэм турнирыр щыкIощт. Теннис зыгу ри­хьыхэрэр ащ еплъынхэу зэхэщакIохэм рагъэблагъэх.