Илъэс къэс республикэм щызэха­щэрэ Iофтхьабзэу «Фыщт» зы­фи­Iорэм Адыгеим и ЛIышъхьэ хэлажьэ.
Мыгъэ ар шышъхьэIум и 16-м щегъэжьагъэу и 18-м нэс рагъэ­кIо­кIыщт.

Мэфищым къыкIоцI ­кIощт зэхахьэм сэнаущыгъэ зыхэлъ ныбжьыкIэхэр къекIолIэщтых. ПэшIорыгъэ­шъэу зэрагъэнэфагъэмкIэ, Адыгеим имуниципалитетхэм ямызакъоу, Урысыем и Къыблэ хэхьэрэ шъо­лъырхэм ялIыкIохэри мыщ къеблэгъэщтых.
Хабзэ зэрэхъугъэу Адыге­им и ЛIышъхьэу КъумпIыл Мурат министрэхэр, къалэхэм ыкIи районхэм япащэхэр игъусэхэу сэнаущыгъэ зы­хэлъ ныбжьыкIэхэм аIукIэщтых, ахэр зыгъэгумэкIырэ Iофы­гъохэм шъхьэихыгъэу атегущыIэщтых, упчIэу къатыхэрэм джэуапхэр къаратыжьыщт.

Адыгеим икъэлэ шъхьаIэ нэбгырэ 22-мэ къагъэлъэгъощт. Ахэм еджэным, шIэны­гъэм, культурэм ыкIи спортым алъэныкъокIэ гъэхъэгъэшIухэр ашIыгъэх.
Слетым изэхэщэн зе­кIо фирмэу «Ошъутен-Тур» зыфиIорэм игид 15 хэлажьэ, ахэр ныбжьыкIэхэм Iэпы­Iэгъу афэхъущтых.