ФутболымкIэ Урысыем изэнэкъокъу иятIонэрэ лигэ щешIэрэ «Зэкъошныгъэм» Мыекъуапэ щыриIэгъэ зичэзыу ешIэгъур шIуахьыгъ.

«Зэкъошныгъ» — «Астрахань» — 1:2 (1:2).
«Зэкъошныгъэм» щешIагъэх: Т. Хачировыр, С. Новиковыр, М. Ягьяевыр, У. Магомедбековыр (Д. Антоненкэр), И. Оразаевыр, Ш. Гайдаровыр, К. Юшко, М. Ко­ломийцевыр (З. Коблыр), А. Зе­зэ­­рахьэр (И. Абдуллаевыр), Н. Сер­­геевыр, А. Делэкъор (М. Къэбжьыр).
Тренер шъхьаIэр: С. Мирошниченкэр.
«Астрахань» хэтыгъэх: М. Еда­пиныр, А. Дударевыр, Д. Седовыр (Д. Владимировыр), А. Абазиловыр, Н. Злобиныр, А. Атти-Байеба (Д. Пацевыр), И. Левченковыр (М. Гайдамак), И. Воротниковыр, А. Галимовыр (А. Карповыр), А. Болониныр (Д. Шаталовыр), П. Соломатиныр.
Тренер шъхьаIэр: А. Куликовыр.
ЕшIэгъум ипэублэ «Зэкъошныгъэм» зэрэрихъухьагъэм тетэу кIуагъэп. Ау къэлапчъэм Iэгуаор дадзэнымкIэ бысымхэр ары апэрэ амал зиIагъэр. Командэм икапитанэу Делэкъо Аскэр къэлапчъэм ыбгъукIэ Iэгуаор къыдзыгъ, ау ащ Никита Сергеевыр лъыIэсыгъэп. Астраханцэхэм апэрэ амалэу яIагъэр къызфагъэфедагъ, лигэм иешIэкIо анахь дэгъухэм ащыщэу Павел Соломатиныр изакъоу «Зэкъошныгъэм» икъэлапчъэ къе­кIугъ ыкIи я 11-рэ такъикъым пчъагъэр къызэIуихыгъ. ЯтIонэрэ Iэгуаори мы футболистыр ары дэзыдзагъэр. Я 43-рэ такъикъым Адыгеим икомандэ щешIэрэ Михаил Коломийцевым къэлапчъэм Iэгуаор дидзагъ, пчъагъэр 2:1 хъугъэ.
ЯтIонэрэ таймым «Зэкъошныгъэр» нахь лъэшэу ешIагъ, ау къэлапчъэм Iэгуаор дидзэн ылъэ­кIыгъэп, хьакIэхэм текIоныгъэр къыдахыгъ.
— ЗэIукIэгъум иапэрэ такъикъхэм къащегъэжьагъэу яешIакIэ агъэлъэшынэу футболистхэм яс­Iуагъ, ау сызэхахыгъэп ыкIи хэ­укъоныгъэу тшIыгъэхэм къахэкIэу тикъэлапчъэ IэгоуитIу къыдадзыгъ. Апэрэ таймым икIэух дэгъоу тешIагъ. ЯтIонэрэм къэлапчъэм Iэгуаор дэтыдзэнымкIэ амалышIу­хэр тиIагъэх, ау зи къыддэхъугъэп ыкIи ащ къыхэкIэу къыттекIуагъэх, — къыIуагъ зэфэхьысыжьхэр къы­шIызэ «Зэкъошныгъэм» итренер шъхьаIэу Сергей Мирошниченкэм.
Я 19-рэ турым изэфэхьысыжьхэр:
«Алания-2» — «Динамо-2» — 1:2, «Спартак-Налщык» — «Победа» — 4:0, «Ангушт» — «Рос­тов-2» — 0:0, «Зэкъошныгъ» — «Астрахань» — 1:2, «Нарт» — «Кубань Холдинг» — 0:1, «Биолог-Новокубанск» — «Севастополь» — 3:1, «Легион» — «Динамо Ставрополь» — 1:2, «Рубин Ялта» — «Форте» — 1:2.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Форте» — 36.
2. «Ростов-2» — 33.
3. «Легион» — 33.
4. «Астрахань» — 33.
5. «Динамо Ставрополь» — 33.
6. «Рубин Ялта» — 27.
7. «Севастополь» — 26.
8. «Строитель» — 26.
9. «Ангушт» — 24.
10. «Нарт» — 23.
11. «Спартак-Налщык» — 23.
12. «Биолог-Новокубанск» — 22.
13. «Кубань Холдинг» — 20.
14. «Зэкъошныгъ» — 17.
15. «Победа» — 16.
16. «Алания-2» — 12.
17. «Динамо-2» — 9.
    КъыкIэлъыкIощт турым къыдыхэ­лъытэгъэ зэIукIэгъур «Зэкъошныгъэм» станицэу Павловскэм щыриIэщт. ШышъхьэIум и 10-м командэу «Кубань Холдингым» IукIэщт.