Адыгэ кIэлэегъэджэ колледжэу Хъ. Андырхъуаем ыцIэкIэ щытым иIофышIэхэм гухэкIышхо ащыхъугъ Абэтэ Цуцэ Рэщыдэ ыпхъур — колледжыр къэзыу­хыгъэр ыкIи нэужым илъэсыбэрэ ащ щезыгъэджагъэхэр дунаим зэрехыжьыгъэр. ЩымыIэжьым иунагъорэ игупсэхэмрэ ахэр афэтхьаусыхэх.
Адыгэ кIэлэегъэджэ училищыр къызеухым, Абэтэ Цуцэ илъэсыбэрэ кIэлэегъаджэу Iоф ышIагъ. Къуа-
джэу Улапэ дэт еджапIэм 1941 — 1942-рэ илъэсхэм урысыбзэмрэ литературэмрэ щаригъэхьыгъ. Ащ нэ­ужым Тэхъутэмыкъое районымкIэ къуаджэу Козэт дэт еджапIэм изавучыгъ. Мыекъуапэ къызегъэзэжьым, кIэлэегъаджэхэм яшIэныгъэхэм зыщахагъэхъо­рэ институтым методистэу Iутыгъ.
А пстэуми анэмыкIэу Абэтэ Цуцэ ублэпIэ еджапIэхэм апае адыгабзэкIи урысыбзэкIи зэреджэщтхэ тхылъ заулэ къыдигъэкIыгъ. Непи а тхылъхэр къызфагъэфедэх.
Аужырэ лъэхъаным Цуцэ Iоф зыщишIагъэр Хъ. Ан­дырхъуаем ыцIэкIэ щыт Адыгэ кIэлэегъэджэ училищыр (непэ Адыгэ кIэлэегъэджэ колледжыр) ары. ЕджапIэм ипащэ игуадзэу ар щытыгъ. 1989-рэ илъэсым зигъэпсэфынэу тIысыжьыгъэ.
ЦIыф ыкIи кIэлэегъэджэ шIагъор зышIэщтыгъэ пстэуми шIукIэ агу илъыщт.