ШахматхэмкIэ зэнэкъокъоу «Гъэмаф-2024» зыфиIорэр Мыекъуапэ щэкIо.

ШахматхэмкIэ Адыгэ Респуб­ликэм ифедерацие мы Iофтхьа­бзэм кIэщакIо фэхъугъ.
ЗэкIэмкIи мыщ нэбгырэ 34-рэ хэлажьэ, ахэм ащыщэу зыр Санкт-­Петербург къикIыгъ. Ухьазырыныгъэу яIэм елъытыгъэу спортсменхэр купитIоу гощыгъэх. Апэрэм къэралыгъо рейтингым-
кIэ очко 1100-рэ нахьыбэ зиIэхэр хэхьэх, ятIонэрэм — очко 1000-м щегъэжьагъэу 1100-м нэс изыгъэкъугъэхэр.

Куп нахь лъэшым текIоныгъэм щыфэбанэрэр шахматист 12. ЕшIэгъуи 2-м ыуж зэкIэми апэ итых Евгений Ефименкэмрэ Роман Киракосянрэ. ЯтIонэрэ купым пэрытныгъэр щаIыгъ ыкIи очко зэфэдиз рагъэкъугъ нэбгыритфы­мэ — Пхэнэе Данэ, Эллионора Суховам, Саида Кодзовам, Адам Матюшиным ыкIи Ясмина Кодзовам. Ахэм текIоныгъэ тIурытIу яI.
ЕшIэгъуи 7-м ыуж очко пчъагъэу рагъэкъугъэм елъытыгъэу текIоныгъэр къыдэзыхыгъэхэр къэнэфэщтых.