Урысые шъыгъо Iофтхьабзэу Донбасс икIэлэцIыкIухэу заом хэкIодагъэхэм яшIэжь мафэ къыхиубытэрэм хэлэжьагъ Адыгэ Рес­публикэм и Лъэпкъ тхылъеджапIэ.

ЦIыф хые минхэм ягупсэфыныгъэ къумалхэм зэщачы. ЦIыфы фэдэм заор зэрэтхьамыкIагъор зэхишIэу, ащ хэкIодэгъэ пстэуми яшIэжь агъэлъапIэ ыкIи мы шъыгъо IофтхьабзэмкIэ мыхъун зышIэхэрэм зэрафамыгъэгъущтыр арагъашIэ.
Заом кIэзыгъэблыхэрэр аумысыхэу Хэгъэгум идзэ­кIолIхэм яунагъохэр зыхэт Комитетым иактивистэу Анастасия Ивановар, Мыекъуапэ щыпсэухэрэм ащыщ­хэр ыкIи хьакIэхэр, тхылъеджапIэм иIофышIэхэр, журналистхэр Iофтхьабзэм хэлэжьагъэх.
Лъэпкъ тхылъеджапIэм иIофышIэхэм кIэлэцIыкIоу фэхыгъэхэм ацIэхэр къапчъыгъэх, якIодыкIэ хъугъэри кIэкIэу къаIотагъ.
Ащ ыуж шIэжь зэхахьэм къекIолIагъэхэр Донбасс щыкIорэ заом щыфэхыгъэ сабыйхэм зы такъикърэ афэшъыгъуагъэх.
Дзэукъожь Нуриет.
Сурэтыр: Лъэпкъ тхылъеджапIэр.