Красногвардейскэ районым икъэралыгъо автоинспекторхэм Урысыем хэгъэгу кIоцI IофхэмкIэ и Министерствэ иотделэу а районым щыIэм и Общественнэ совет илIыкIохэр ягъусэхэу пэшIо­рыгъэшъ Iофтхьабзэ рагъэкIо­кIыгъ. Ар электросамокатхэм ыкIи нэмыкIэу шъхьадж псынкIэу зекIоным тегъэпсыхьагъэхэм (СИМ) ягъэIорышIэн епхыгъэ хэбзэукъоныгъэхэм афэгъэхьыгъагъ.

Полицейскэхэм а зекIон амалхэр зефэгъэнхэмкIэ шэпхъэ шъхьаIэхэм ыкIи зыухъумэхэрэ шъуашэхэр агъэфедэнхэм япхыгъэ зэхэф зэдэгущыIэгъухэр ныбжьыкIэхэм адашIыгъэх. Шапхъэхэр зэрагъэцэкIэнхэ фаер агу къэзыгъэкIыжьыщт тхыгъэхэр афагощыгъэх.
Мыщ фэдэ пэшIорыгъэшъ Iофтхьабзэхэр джыри лъагъэкIотэщтых.