ФутболымкIэ Урысыем и Кубок икъыдэхын фэгъэхьыгъэ зэнэкъокъум Мыекъопэ «Зэкъошныгъэр» къыхэзыгъ.

Адыгеим икомандэ къытекIуагъэр Краснодар краим истаницэу Павлов­- ­­с­каяр къэзыгъэлъэгъорэ «Кубань Холдингыр» ары. Пчъагъэр 2:1-у зэIукIэ­гъур аухыгъ.
ЕшIэгъум изэфэхьысыжьхэм къызэрагъэлъэгъуагъэмкIэ, «Зэкъошныгъэр» лъэныкъо пстэумкIи нахь лъэшыгъ: гъо­гогъу 12-рэ къэлапчъэм дэуагъ, Iэгуаор процент 57-рэ ыIыгъыгъ. Ау «Кубань Холдингым» къэлапчъэм Iэгуаор нахьыбэрэ дидзагъ, ары анахь мэхьанэшхо зиIэр.
ЕшIэгъум ия 27-рэ такъикъ пчъагъэр къызэIуихыгъ краим икомандэ хэт Ацамаз Ревазовым. Я 57-рэ такъикъым мы футболист дэдэм ятIонэрэу къэлапчъэм Iэгуаор дидзагъ, пчъагъэр 2:0 ышIыгъ. Къэнэгъэ уахътэм Мыекъуапэ ифутболистхэм зэ ныIэп къэлапчъэм Iэгуаор дадзэн зэралъэкIыгъэр, къахэщыгъэр Ислам Оразаевыр ары. «Кубань Холдингым» текIоныгъэр къыдихыгъ ыкIи зэнэкъокъум щылъэкIуатэ.