Лъэс зекIонымкIэ Iофтхьабзэу зэхащэщтым шъухэлэжьэнэу Мыекъуапэ физическэ культурэмкIэ ыкIи спортымкIэ и Комитет шъурегъэблагъэ. Мызыгъэгум ар зыфэгъэхьыгъэр шышъхьэIум и 10-м хагъэунэфыкIыщт физкультурникым и Маф ары.

Iофтхьабзэм хэлажьэхэрэм пшъэрылъэу яIэр шышъхьэIум и 5-м щегъэжьагъэу и 11-м нэс лъэбэкъу мини 140-рэ къакIуныр ары, гурытымкIэ мафэм лъэ­бэкъу мин 20. Социальнэ хъытыоу «Вконтакте» зыфиIорэм имобильнэ приложениекIэ нэбгырэ пэпчъ къыкIурэр къалъы­тэщт.
Джырэ уахътэм ехъулIэу Iоф­тхьабзэм хэлэжьэнхэу Адыгеим ирайон зэфэшъхьафхэм, Мые­къуапэ, Краснодар ыкIи Омскэ ащыпсэурэ нэбгыри 101-мэ зарагъэтхыгъ.

— Тхьамафэм къакIун фэе лъэбэкъу пчъагъэм хэдгъэ­хъуагъ ыкIи мини 140-м нэдгъэ­сыгъ, ыпэкIэ ар мини 100 хъущтыгъ. НэмыкIэу къэпIон хъумэ, мэфи 7-м километришъэ къызэранэ­кIыщт. Мыщ фэдэ унашъо зыкIашIыгъэр марафоныр физ­культурникым и Мафэ ипэгъо­кIэу зэхащэшъ ары, ащ къы­хэкIэу физкультурэр нахьыбэн фае. Мы мафэхэм ом изытет зыпкъ ит, дунаир фабэ, унэм укъикIынышъ, къэпкIухьащтмэ, уипсауныгъэ бгъэпытэщтмэ фэдэ щыIэп. Арышъ, Iофтхьабзэм шъухэлэжьэнэу шъуетэгъэб­лагъэ. Шапхъэхэр зыгъэца­кIэхэрэм зэкIэми дипломхэр афагъэшъошэщтых, — къыща­Iуагъ Мыекъуапэ физическэ культурэмкIэ ыкIи спортымкIэ и Комитет.