Урысые политическэ партиеу «Единэ Россием» ишъолъыр ыкIи ичIыпIэ приемнэхэм АР-м и Къэралыгъо Совет — Хасэм идепутатхэм цIыфхэр ащырагъэблэгъагъэх. Министерствэ ыкIи къулыкъу зэфэшъхьафхэм ялIыкIохэр ахэм ахэлэжьагъэх.

ЦIыфэу къякIолIагъэхэм анахьыбэм социальнэ Iэпы­Iэгъу ящыкIэгъагъ. ХэушъхьафыкIыгъэ дзэ операцием хэлажьэхэрэмрэ ахэм яунагъохэмрэ адеIэгъэныр сыдигъокIи апшъэрэхэм ащыщ. НэмыкIэу закъыфэзгъэзагъэ­хэм урамхэм язэтегъэпсы­хьан, гъогухэм ягъэцэкIэжьын, псэолъэшIыным къыпыкIыгъэ пыдзафэхэм ядэщын, псэу цIыфхэр зашъохэрэм изытет япхыгъэ Iофыгъохэр къырахьылIагъэх.
Шъолъыр Парламентым и Тхьаматэу Владимир Нарожнэм къуаджэу Гъобэкъуае дэсхэм зыкъыфагъэзагъ. 1949-рэ илъэсым имэлылъфэгъу мазэ къыщыублагъэу 1952-м иIоныгъо нэс Адыгэ хэку исполкомым ипэщагъэу, кIэлэегъэджэ сэнэхьатым игъашIэ инахьыбэр езытыгъэ Теуцожь Нухьэ Цыгъо ыкъом ишIэжь мыкIодыжьыным фэшI ыцIэ къоджэ еджапIэм фаусынэу ахэр къыкIэлъэIух.
ЦIыфхэм ягумэкIыгъохэм анахьыбэр дэгъэзыжьыгъэ хъугъэ, джэуапынчъэу зыпари къэнагъэп. А чIыпIэ дэдэм зэшIуамыхыгъэр а лъэныкъом фэгъэзэгъэ къулыкъум фа­гъэхьыгъ. ТапэкIэ ахэр гъэцэкIагъэ зэрэхъурэм депутатхэр лъыплъэщтых.