Хъудымыжъ нарт лъэпкъэу, Лъэпшъ игъукIэ гъусэу, кIочIэшхо зыхэлъ цIыфэу щытыгъ. Пхъэ кухьиблыр ащ изытэ­мэрыхьэу щытыгъэу къаIотэжьы.
Ащ фэдэу зэгорэм мэзым ар къикIыжьызэ, ТатIрыхъу иорэдыIо макъэ зэхихыгъ. Хъудымыжъ къэшъокIо Iазэу щыты­гъэти, пхъэкухьиблыр ытамэ зэ­рэтелъэу къечъэкIызэ къа­шъоу фежьагъ. Аущтэу къашъо­зэ, лъэгъо хъурэешхо риубыкIыгъ, ащ ыгузэгу Iуашъхьэу къэнагъ. Ащ джыри Хъудымыжъ иIуашъхьэкIэ еджэх.
Непэ къакIорэм ылъэгъунэу, Хъудымыжъ иIуашъхьэ Къун­чыкъохьаблэ чылэ гузэгум ит, уфаеми сурэт тех. (Нартхэр. Апэрэ том, н. 249)