Нарт Лъэпшъ гъукIэ цIэрыIоу щытыгъ. Ащ игъукIэкIагъэр гъэ­шIэгъонэу къаIотэжьы. IэкIэ гъучI плъыгъэр машIом къыпи­хыти, ар ыIыгъэу уатэкIэ еозэ, ежь зыфэе сурэтыр хишIыкIыщтыгъ. Ар цIыфымэ янэрылъэгъугъ.
Ащыгъум Iадэ щыIагъэп.
Лъэпшъы ыкъо ягуащэу нысэ иIагъ. Нысэм ипщ зэрэгъукIэрэ шIыкIэр гурыIуагъ. Лъэпшъ гъу­кIэ зыхъукIэ гъучI плъыгъэм ыIэ зэрэпистыкIырэр, къин зэ­ри­лъэгъурэр зыгурэIом, ипщ дэгущыIэрэпти, блитIу ыукIи, ашъхьэ зэтырилъхьи, гъучIыIунэ пхыригъэкIи, кIыщ пчъэIупэм Iуилъхьагъ. ЗыIуелъхьэм, ­Лъэпшъ лIы акъылынчъэпти, ащ зыгорэ зэрепэсыгъэм гу къы­лъити, егупшысагъ.
— Мыщ урыIэбэнэу, гъучI плъыгъэр рыуубытынэу къы­Iузылъхьагъэм ышIыгъ, — ыIуи, ащ исурэт гъучIым хишIыкIыгъ.
Iадэр къызыхэкIыгъэр джары.