ШахматхэмкIэ зэнэкъокъухэр Красногвардейскэ рай­оным щыкIуагъэх. Мы ижъырэ джэгукIэр зыгу рихьхэу турнирым хэлэжьагъэхэр псэупIэ зэфэшъхьафхэм къарыкIыгъэх, ахэм унагъохэри ахэтыгъэх.

ЗэхэщакIохэм зэрагъэнэфагъэу хъулъфыгъэхэр ыкIи бзылъфыгъэ­хэр шъхьафэу зэнэкъокъугъэх.
Бзылъфыгъэхэр пштэмэ, хагъэунэфыкIырэ чIыпIэхэр къыдахыгъэх илъэси 10 зыныбжь Алина Трофимовамрэ ащ янэу Надежда Трофимовамрэ, текIоныгъэр къызфагъэшъошагъэр Анастасия Поминовар ары. ХъулъфыгъэхэмкIэ чемпион хъугъэр Эжен Каспаровыр ары, ятIонэрэ ыкIи ящэнэрэ чIыпIэхэр къалэжьыгъэх Хусен Джоловым ыкIи Борис Калашниковым.