Республикэм икъэлэ шъхьаIэ иIофшIэкIо куп­хэм я Спартакиадэ гъэшIэгъонэу макIо.

БлэкIыгъэ зыгъэпсэфыгъо мафэхэм организации 8-мэ ялIыкIохэр есынымкIэ зэнэкъокъугъэх.
Командэ пэпчъ хъулъфыгъитIурэ бзылъфыгъитIурэ хэтыгъ. Зыныбжь илъэс 40-м нэмысыгъэхэр ыкIи ащ къехъугъэхэр ары зызыушэтыгъэхэр.
ТекIоныгъэр къыдахыгъ Михаил Семенцовым, Роман Поповиченкэм, Бэгъ Зинаидэ ыкIи Анастасия Самко. Командэхэм язэнэкъокъу анахь щылъэшыгъ Мыекъуапэ инароднэ депутатхэм я Совет.

ШышъхьэIум и 3 — 4-м Спартакиадэм хэлажьэхэрэр щэрыонымкIэ ыкIи теннис цIыкIумкIэ зэнэкъокъущтых.