Top.Mail.Ru

ТекIоныгъэр къыдихыгъ

Image description

ФутболымкIэ Урысыем изэнэкъокъу иятIонэрэ лигэ щешIэрэ Мыекъопэ «Зэкъошныгъэм» Ростов-на-Дону щыриIэгъэ зичэзыу ешIэгъум текIоныгъэр къыщыдихыгъ.

«Ростов-2» — «Зэкъошныгъ» — 0:1 (0:0).
Зэкъошныгъэм щешIагъэх:
Т. Хачировыр, М. Ягьяевыр, М. Къэбжьыр, У. Магомедбековыр, З. Коблыр, Ш. Гайдаровыр, К. Юшко, Н. Сергеевыр, М. Коломийцевыр (Д. Антоненкэр), А. Зезэрэхьэр, А. Делэкъор.
Я 56-рэ такъикъым Никита Сергеевым къэлапчъэм Iэгуаор дидзагъ.
Мы зэIукIэгъур гъэшIэгъонэу кIуагъэ, командэхэм ешIэкIэ
дахэ къагъэлъэгъуагъ, цIыфэу къэзэрэугъоигъэхэр агъэгушIуагъэх. «Зэкъошныгъэм» щешIэрэ Михаил Коломийцевым я 3-рэ такъикъым къэлапчъэм Iэгуаор дидзагъ, ау шапхъэхэр укъуагъэхэ зэрэхъугъэм къыхэкIэу ар ха­лъытагъэп. Я 6-рэ такъикъым бы­сымхэм пенальти къалэжьыгъ, ау Мыекъуапэ икомандэ икъэ­лъэпчъэIутэу Тамирлан Хачировыр цыхьэшIэгъоу ешIагъ, Iэ­гуаор къызэкIидзэжьыгъ. Апэрэ таймыр 0:0-у аухыгъ. Я 56-рэ такъикъым Делэкъо Аскэр ухъумакIохэм ащыщ Iэгуаор къыIэкIихыгъ ыкIи ар Никита Сергеевым фидзыгъ, адырэр къэлапчъэм дауи, пчъагъэр къызэIуихыгъ. Ащ ишIуагъэкIэ Адыгеим икомандэ текIоныгъэр къыдихыгъ. Шъугу къэдгъэ­кIыжьын, «Зэкъошныгъэм» итренерыкIэу агъэнэфагъэр Сергей Мирошниченкэр ары.
Я 18-рэ турым изэфэхьысыжьхэр:
«Форте» — «Алания-2» — 6:0, «Динамо-2» — «Ангушт» — 0:0, «Строитель» — «Рубин Ялта» — 1:1, «Нарт» — «Астрахань» — 2:0, «Кубань Холдинг» — «Легион» — 0:1, «Динамо Ставрополь» — «Спартак-Налщык» — 2:1, «Ростов-2» — «Зэкъошныгъ» — 0:1, «Победа» — «Биолог-Новокубанск» — 2:2.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

  1. «Форте» — 33
  2. «Легион» — 33
  3. «Ростов-2» — 32
  4. «Динамо Ставрополь» — 30
  5. «Астрахань» — 30
  6. «Рубин Ялта» — 27
  7. «Севастополь» — 26
  8. «Строитель» — 26
  9. «Ангушт» — 23
  10. «Нарт» — 22
  11. «Спартак-Налщык» — 20
  12. «Кубань Холдинг» — 19
  13. «Биолог-Новокубанск» — 19
  14. «Зэкъошныгъ» — 17
  15. «Победа» — 16
  16. «Алания-2» — 12
  17. «Динамо-2» — 6.
    КъыкIэлъыкIощт турым къы­дыхэлъытэгъэ зэIукIэгъур «Зэ­къошныгъэм» Мыекъуапэ щыри­Iэщт. ШышъхьэIум и 3-м командэу «Астрахань» тихьакIэщт.